Xosep Gvardiola joriy mavsum yakunida «Manchester Siti» bosh murabbiyligi bilan xayrlashishi mumkin. Bu haqda euro-football.ru xabar beradi.
Touchline xabariga ko'ra, manchesterliklar bilan davri tugaganidan keyin ispaniyalik mutaxassisning eng katta orzusi bitta — jahon chempionatida g'alaba qozonish. Gvardiola muayyan bir terma jamoani boshqarishni maqsad qilmagan, u xalqaro maydonda sovrinlar uchun kurasha oladigan raqobatbardosh terma bilan ishlashni istaydi.
Gvardiola «Manchester Siti»ni 2016 yildan beri boshqarib kelmoqda. Uning qo'l ostida «shaharliklar» 18 ta sovrinni qo'lga kiritdi: Angliya chempionatida olti marta g'olib bo'ldi va Chempionlar ligasini ham yutdi. Mutaxassisning klub bilan amaldagi shartnomasi 2027 yil yozigacha mo'ljallangan.
“Zamin”ni Telegramʻda oʻqing!
