Genrix Mxitaryan Interdan ketish haqida o‘ylamayapti

Milanning «Inter» klubida to‘p surayotgan Genrix Mxitaryan 37 yoshda bo‘lishiga qaramay, faoliyatini yakunlash niyatida emas. U hozircha jamoadan ketish masalasini kun tartibiga chiqarmaganini va yetakchi bo‘lib turgan «Inter»ga hali ham foyda keltira olishiga ishonishini bildirdi. Bu haqda euro-football.ru xabar beradi.

«Hali ham o‘ynashni xohlayman, ketish haqida o‘ylamayapman. 37 yoshdaman, sog‘lig‘imga yaxshiroq qarashim kerak, imkon qadar uzoqroq o‘ynashni istayman. Albatta, endi 20 yoki 22 yoshda emasligimni tushunaman», — deya Mxitaryanning so‘zlarini pianetamilan.it keltiradi.

Armanistonlik tajribali yarim himoyachi avvalroq Dortmundning «Borussiya»si, Italiyaning «Roma»si hamda Angliyaning «Arsenal»ida ham o‘ynagan.