Italiya A Seriyasining 27-turi Rim klublari uchun omadsiz keldi: «Roma» ham muvaffaqiyatsiz natija qayd etdi, «Lazio» esa butunlay yutqazib qo'ydi. Mauritsio Sarri jamoasi safarda bu mavsumda o'yini ketmayotgan «Torino»ga mag'lub bo'ldi. Bu haqda euro-football.ru xabar beradi.
Uchrashuvdan so'ng «burgutlar» ustozi natijadan qoniqmagani sezildi. Sarri fikricha, jamoa asabiylik fonida o'ynadi, raqib esa ko'proq ijodkorlik va ijobiy energiya namoyish etdi. Murabbiy ikkinchi to'plar, qaytgan zarbalar va yig'ib olishlarda yetarlicha kurash bo'lmaganini ham alohida ta'kidladi.
«Statistika bizda golli vaziyatlar ko'proq bo'lganini ko'rsatadi, ammo u aldaydi. Ularning imkoniyatlari ancha o'tkir edi va kutilmagan tarzda yuzaga kelardi», — deya Sarri so'zlarini keltiradi cittaceleste.it.
Ushbu mag'lubiyatdan keyin «Lazio» A Seriya turnir jadvalida 10-o'ringa tushib ketdi.
“Zamin”ni Telegramʻda oʻqing!
