Ispaniyaning "Almeriya" klubi dunyoga mashhur futbolchi Krishtianu Ronaldu bilan bog'liq sarmoyaviy hamkorlikdan so'ng mamlakatdagi eng ommabop jamoalardan biriga aylandi. "An Nasr" klubi va Portugaliya terma jamoasi sardori bo'lgan Ronaldu ayni damda Segundada ishtirok etayotgan ushbu jamoa aksiyalarining 25 foizini sotib oldi. Bu qadam klubning ijtimoiy tarmoqlardagi nufuzini misli ko'rilmagan darajada ko'tarib yubordi.
Hozirgi kunda "Almeriya" ijtimoiy tarmoqlardagi obunachilar soni bo'yicha Ispaniyaning ko'plab nomdor klublarini ortda qoldirib, kuchli beshlikka kirishga muvaffaq bo'ldi. Statistik ma'lumotlarga ko'ra, "Real Madrid" 181 million, "Barselona" 147 million, "Atletiko" 18 million va "Sevilya" 3,6 million obunachiga ega bo'lsa, "Almeriya" 3,2 millionlik ko'rsatkich bilan ularga yaqinlashib qoldi. Ronaldu kabi yulduzning klubga jalb qilinishi "Almeriya" uchun ulkan media effekt berdi va qisqa vaqt ichida jamoa sahifalariga millionlab yangi muxlislar obuna bo'ldi.
“Zamin”ni Telegramʻda oʻqing!
