Caught Offside xabariga ko'ra, Bernardo Silva mavsum oxirida klubni tark etish niyatida ekanini "Manchester City"ga ma'lum qilgan. 31 yoshli yarim himoyachi, u ayni paytda sardor ham hisoblanadi, xabarlarga ko'ra shartnomasi yakuniga yaqinlashmoqda va erkin agent sifatida ketishi mumkin.
Xabarda aytilishicha, hozirda uning transferi uchun asosiy da'vogar sifatida MLSning "Los Angeles" klubi ko'rilmoqda. Shu bilan birga, Portugaliya terma jamoasi futbolchisining holatini Yevropaning bir nechta yirik klublari ham kuzatmoqda, jumladan "Atletico", "Barcelona", "Juventus" va "Napoli".
Aytilishicha, Silva yuqori darajadagi klubda qolishni va ayni paytdagi maoshi darajasini ham saqlab qolishni istamoqda. Bu esa uning faoliyatidagi keyingi bosqichni muhim qarorga aylantirishi mumkin, ayniqsa Angliyada shuncha muvaffaqiyatli yillar o'tkazganidan so'ng.
Portugaliyalik pleymeyker 2017 yildan buyon "Manchester City" safida o'ynab kelmoqda. Shu davr ichida u barcha musobaqalarda 449 ta o'yinda maydonga tushib, 76 ta gol urdi va Angliya chempionligini olti marta qo'lga kiritdi hamda klubning zamonaviy davridagi asosiy figuraliardan biriga aylandi.
“Zamin”ni Telegramʻda oʻqing!
