Turkiya Superligasi 29-turi doirasida “Istanbul Bashakshehir” o‘z maydonida “Genchlerbirligi”ni ishonchli tarzda mag‘lub etdi. Uchrashuv mezbonlarning 3:0 hisobidagi ustun g‘alabasi bilan yakunlandi.
O‘zbekiston milliy terma jamoasi hujumchisi Eldor Shomurodov bahsda yetakchi figura bo‘ldi. U 9- va 40-daqiqalarda raqib darvozasini ishg‘ol qilib, dubl muallifiga aylandi. Shu tariqa u joriy mavsumdagi gollari sonini 18 taga yetkazdi. Yana bir golni Bertug‘ kiritdi.
Shomurodov ushbu o‘yinda 81 daqiqa harakat qildi. Yarimhimoyachi Abbosbek Fayzullayev esa jarohat sabab maydonga tusha olmadi.
Uchrashuv natijasidan so‘ng “Istanbul Bashakshehir” ochkolarini 47 taga yetkazib, turnir jadvalida 5-o‘ringa ko‘tarildi. “Genchlerbirligi” esa 25 ochko bilan 15-pozitsiyada qoldi.
Turkiya Superligasi. 29-tur
“Istanbul Bashakshehir” – “Genchlerbirligi” 3:0
Gollar: Shomurodov 9‘, 40‘; Bertug‘ 42‘.
“Istanbul Bashakshehir” tarkibi: Muhammad, O‘mer Ali (Bulut 59‘), Duarte, Opoku, Operi (Karatas 60‘), Kemen, Umut (Kalujinski 68‘), Yusuf, Shomurodov (Selke 81‘), Brnich, Bertug‘ (Krespo 59‘).
“Zamin”ni Telegramʻda oʻqing!
