Karlton Koul «Chelsi»ni tark etish sabablarini ochiqladi

«Vest Xem» va Angliya terma jamoasining sobiq hujumchisi Karlton Koul «Beast Mode On» podkastining yangi sonida ishtirok etdi. Sobiq futbolchi Adebayo Akinfenwa bilan suhbatda «Chelsi» klubidagi faoliyati va London jamoasini tark etish sabablarini ochiqladi. Bu haqda Goal.com xabar beradi.

Koulning so'zlariga ko'ra, u o'z vaqtida murabbiy Joze Mourinyoning g'azabiga duchor bo'lgan. Bunga futbolchining tungi klublarga tez-tez tashrif buyurishi sabab bo'lgan.

Murabbiy intizom masalasida juda qattiqqo'l bo'lgani uchun bu holat ularning munosabatlariga salbiy ta'sir ko'rsatgan.

Suhbat davomida sobiq hujumchi mashhur reper «50 Cent» bilan do'stligi haqida ham to'xtalib o'tdi. Koul musiqachidan muhim hayotiy maslahatlar olganini va bu uning dunyoqarashiga ta'sir qilganini ta'kidladi.

Shuningdek, u «Bavariya» hujumchisi Xarri Keynga bo'lgan yuksak hurmati haqida so'zladi.