Bavariya faxriy prezidenti Uli Xyones zamonaviy futbolning o‘ta jiddiy tus olganidan noroziligini bildirdi. Uning fikricha, bugungi kunda sport yangiliklari global mojarolar bilan bir qatorda yoritilayotgani mantiqsizlikdir. Xyones o‘z davrida futbolchilarning hayoti ancha erkin va samimiy bo‘lganini, hozir esa har bir qadam nazorat ostida ekanini ta’kidladi. Bu haqda Goal.com xabar beradi.
Faxriy prezident, shuningdek, 2026-yilgi Jahon chempionati uchun FIFA belgilagan narxlar siyosatini keskin tanqid qildi. U futbol finali Super Bowl kabi tijorat shousiga aylanib qolmasligi kerakligini, milliarderlar uchun mo‘ljallangan qimmatbaho lojalar haqiqiy muxlislar manfaatiga zid ekanini aytdi.
Bavariya klubining ijtimoiy mas’uliyatiga to‘xtalgan Xyones, 175 yevrolik mavsumiy chiptalar narxini saqlab qolishdan faxrlanishini bildirdi. Uning so‘zlariga ko‘ra, futbol birinchi navbatda oddiy muxlislar uchun mo‘ljallangan va ular o‘yinni tomosha qilish uchun o‘z ehtiyojlaridan voz kechishga majbur bo‘lmasliklari kerak.
“Zamin”ni Telegramʻda oʻqing!
