London stadionida janjal: Vest Xem muxlislari Arsenal ishqibozlarini tribunadan haydab chiqardi
Angliya Premer-ligasi doirasidagi Vest Xem va Arsenal jamoalari o'rtasidagi bahs keskin vaziyatlar bilan yodda qoldi. London stadionida o'tgan uchrashuvda mezbonlar sektoriga kirib olgan va Arsenal golini nishonlagan bir guruh muxlislar Vest Xem ishqibozlari tomonidan kuch ishlatilgan holda tribunadan chiqarib yuborildi. Bu haqda Goal.com xabar beradi.
Uchrashuvning 83-daqiqasida Leandro Trossard tomonidan kiritilgan gol mehmonlarga g'alaba keltirdi. Aynan shu gol nishonlanishi paytida o'zini fosh qilib qo'ygan Arsenal muxlislari mezbonlar g'azabiga duch keldi. Stadion xavfsizlik xodimlari vaziyatga aralashishga majbur bo'ldi.
O'yin yakunida yana bir bahsli vaziyat yuzaga keldi. 95-daqiqada Callum Wilson tomonidan kiritilgan gol VAR tekshiruvidan so'ng bekor qilindi. Hakam David Raya darvozasiga nisbatan qoida buzilgan deb topdi, bu qaror esa Vest Xem jamoasi va muxlislarini qattiq g'azablantirdi.
Vest Xem sardori Jarrod Bowen o'yindan so'ng hakamlik darajasini keskin tanqid qildi. Ushbu g'alaba Arsenal jamoasini chempionlik sari yana bir qadam yaqinlashtirgan bo'lsa-da, Mikel Arteta shogirdlari Ben White'ning jarohati sabab yo'qotishga uchradi.
“Zamin”ni Telegramʻda oʻqing!
