Chempionlar Ligasi chorak final javob bahsidan o‘rin olgan «Real» Madrid – «Bavariya» uchrashuvi o‘z nihoyasiga etdi.
Uchrashuvning birinchi bo‘limi asosan madridliklarning tashabbusi ostida kechdi. Uchrashuvning 53-daqiqasida Kazimiro Robbenni o‘z jarima maydonchasi ichida yiqitdi va bu penalti belgilanishiga sabab bo‘ldi. O‘n bir metrlik jarima to‘pini Robert Levandovski aniq bajardi va jamoasini oldinga olib chiqdi.
76-daqiqada Krishtiano Ronaldu muvozanatni tiklagan bo‘lsa, oradan bir daqiqa o‘tar o‘tmas Serxio Ramos o‘z darvozasiga gol kiritib qo‘ydi. Shu tariqa asosiy vaqt 1:2 natijasi bilan tugadi va barcha masala qo‘shimcha bo‘limlarga qoldirildi.
Qo‘shimcha taymning birinchisi o‘z yakuniga etayotgan bir vaqtda Ramos to‘pni jarima maydoniga uzatib berdi, Ronaldu vaziyatni ko‘kka sovurmadi va hisobni tenglashtirdi. 110-daqiqa o‘tib borayotgan bir vaqtda Marselo raqib jarima maydoniga yorib kirdi va to‘pni Ronalduga etkazib berdi, portugaliyalik to‘purar esa ochiq darvaozani nishonga olishda adashmadi.
Oradan ikki daqiqa o‘tib Marko Asensio raqib futbolchilarini birma-bir alab o‘tib navbatdagi «golasso»ni ijro etdi va uchrashuvga nuqta qo‘ydi.
Shu tariqa «Real» qiyin kechgan uchrashuvda «Bavariya» ustidan g‘alabaga erishdi va yarim final yo‘llanmasini qo‘lga kiritdi.
Evropa Chempionlar ligasi, chorak final
Real Madrid Ispaniya – Bavariya Germaniya 4:2
Gollar: 0:1 – 53, penalti Levandovski, 1:1 – 76 Ronaldu, 1:2 – 77, avtogol Ramos, 2:2 – 104 Ronaldu, 3:2 – 109 Ronaldu, 4:2 – 112 Asensio.
Real Madrid – Navas, Nacho, Marselo, Karvaxal, Ramos, Modrich, Kazemiro, Kroos (Kovachich, 114), Isko (Vaskes, 71), Ronaldu, Benzema (Asensio, 64).
Bavariya – Noyer, Boateng, Xummels, Alaba, Lam, Vidal, Xabi Alonso (Myuller, 75), Alkantara, Robben, Riberi (Duglas Kosta, 71), Levandovski (Kimmix, 88).
Ogohlantirishlar: Vidal (5), Kazemiro (40), Xabi Alonso (70), Xummels (75), Robben (101).
Chetlatish: Vidal (84).
Manba: www.uff.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
AQSHning Suriyadagi harbiy bazasiga raketalar hujum qildi
Damas uchun onlayn kontraktatsiya ochiladi
O‘zbekistonda o‘tgan uch oyda qancha avtomobil ishlab chiqarilgan?
Amerikalik olimlar barcha uchun birdek foydali jismoniy faollik turini aniqladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Futzal. Osiyo Kubogi. Tojikiston Yaponiyani guruhda qoldirdi
Vladimir Putin «Krokus»da sodir etilgan terakt uchun o‘ch olishga chaqirdi