Italiya A Seriyasining soʻnggi turidan oʻrin olgan Turin derbisi oldidan vaziyat keskinlashdi. Yuventus va Torino jamoalari oʻrtasidagi bahs arafasida ashaddiy raqiblar oʻrtasida ommaviy toʻqnashuvlar kelib chiqdi. Gazzetta dello Sport nashrining xabar berishicha, politsiya tartibsizliklarda ishtirok etgan sakkiz nafar Yuventus muxlisini hibsga olgan. Bu haqda Goal.com xabar beradi.
Muxlislar oʻrtasidagi janjal oqibatida bir necha kishi jarohatlangan, ulardan birining ahvoli ogʻir ekani aytilmoqda. Xavfsizlik nuqtai nazaridan, yakshanba oqshomiga belgilangan uchrashuvning boshlanish vaqti kechiktirildi. Chigal yozdi mashgʻulotlari vaqtida muxlislar oʻz jamoasi futbolchilarini maydonga tushmaslikka chaqirishdi.
Yuventus sardori Manuel Locatelli vaziyatni yumshatish maqsadida muxlislar bilan muloqot qilishga urindi, biroq ishqibozlar agar oʻyin boshlansa, maydonga bostirib kirish bilan tahdid qilishdi. Shundan soʻng futbolchilar vaqtincha kiyinish xonasiga yoʻl olishdi. Uzoq davom etgan muzokaralardan soʻng, mehmon muxlislar sektori toʻliq boʻshatildi.
Nihoyat, mahalliy vaqt bilan soat 21:50 da uchrashuvga start berildi. A Seriya yakunida Chempionlar ligasi yoʻllanmasi uchun kurashayotgan Yuventus uchun ushbu gʻalaba suv va havodek zarur edi. Turnir jadvalida oltinchi oʻrinda borayotgan turinliklar Milan, Roma va Komo kabi raqiblarini ortda qoldirish uchun faqat gʻalaba haqida oʻylashlari lozim edi.
“Zamin”ni Telegramʻda oʻqing!
