13:37 / 19.10.2015
5 757

Vadim Abramov «Lokomotiv» bosh trenerligidan ketdi

Vadim Abramov «Lokomotiv» bosh trenerligidan ketdi
«Lokomotiv» futbol klubi rahbariyati majlisida Vadim Abramovning bosh trenerlik lavozimidan iste’foga chiqishi to‘g‘risida qaror qabul qilindi.

Vadim Abramov poytaxt «Lokomotiv» futbol klubining bosh treneri lavozimidan ketdi. Shanba kuni klubi rahbariyati majlisida shunday qaror qabul qilindi, deya xabar tarqatdi FK matbuot xizmati.

Eslatib o‘tamiz, Oliy liganing 25-turida «Lokomotiv» mehmonda «Qo‘qon-1912» jamoasi bilan durang o‘ynadi. 2:0 hisobi bilan oldinda borayotgan «temiryo‘lchilar» o‘yin oxiriga borib, darvozasidan 2 ta gol o‘tkazib yubordi.

«Natijada o‘yinni yutishi kerak bo‘lgan „Lokomotiv“ yutqazdi. Bunday natija klub rahbariyatini, albatta, qoniqtirmadi, chunki chempionlik imkoniyati pasayib ketdi. Bu ham etmaganday, kecha asosiy raqibimiz „Paxtakor“ g‘alaba qozondi», — deyiladi klub tarqatgan xabarda.

Klubdan Abramov bilan birga yordamchisi Marat Miftaxutdinov ham ketdi. Mavsumning qolgan 5 ta o‘yinida klub natijalari uchun Andrey Miklyaev — Mirko Yelechich juftligi javob beradigan bo‘ldi.

«Lokomotiv» matbuot xizmati xabarida Vadim Abramovga hamkorligi va uning rahbarligida erishilgan yutuqlar uchun minnatdorlik bildirildi. Abramov klubning 2014 yil fevralidan beri boshqarayotgan edi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » Vadim Abramov «Lokomotiv» bosh trenerligidan ketdi