Umid Ahmadjonov: "Xalqimiz futboldagi katta g‘alabalarni kutmoqda"

1 daqiqa o'qish5.4K
Umid Ahmadjonov: "Xalqimiz futboldagi katta g‘alabalarni kutmoqda"
Bugun Toshkent shahridagi "Miran" mehmonxonasida O‘zbekiston olimpiya terma jamoasini Xitoyda bo‘lib o‘tadigan Osiyo chempionatiga kuzatish marosimi bo‘lib o‘tdi.

Marosimda O‘zbekiston futbol federatsiyasi prezidenti Umid Ahmadjonov , federatsiya mas’ullari, murabbiylar, futbolchilar va OAV xodimlari ishtirok etishdi.

Tadbir davomida O‘FF prezidenti Umid Ahmadjonov murabbiy va futbolchilarga murojaat qilar ekan, jumladan, quyidagi fikrlarni bildirib o‘tdi:

"Yangi yildagi ilk nufuzli musobaqa arafasida turibsizlar. Bu musobaqada Sizlardan faqat va faqat g‘alaba kutib qolamiz. Milliy terma jamoamiz Jahon chempionatiga chiqa olmagach, xalqning futboldan ko‘ngli bir oz sovudi. Endi yana muxlislarni futbolga qiziqtirish, o‘zbek futboliga nisbatan bo‘lgan mehrni qaytarish kerak. Buni Sizlar amalga oshirasizlar. Xalqimiz futboldagi katta g‘alabalarni kutmoqda.

Sizlar uchun qanday shart-sharoit kerak bo‘lsa, barchasini muhayo qilib beramiz. Hozirda Prezidentimiz muhtaram Shavkat Miromonovich Mirziyoyevning o‘zbek futbolini rivojlantirish to‘g‘risidagi Qarorlari tayyorlanmoqda. Yaqinda ushbu qarorga imzo qo‘yiladi. Mazkur Qaror yurtimizda futbolni yangi bosqichga olib chiqish, o‘zbek futboli saviyasini oshirish uchun katta turtki bo‘ladi.

Shuni unutmangki, ortingizda Prezidentimiz turibdilar, butun o‘zbek xalqi turibdi. Umid qilib qolamizki, Siz o‘zingizning chiroyli o‘yinlaringiz orqali bizlarni, butun o‘zbek xalqini xursand qilasizlar", dedi Umid Ahmadjonov.

O‘z o‘rnida terma jamoa bosh murabbiyi Ravshan Haydarov ham so‘zga chiqib, federatsiya tomonidan O‘zbekiston olimpiya terma jamoasi a’zolari uchun yaratib berilgan shart-sharoitlar, o‘quv yig‘in mashg‘ulotlari uchun minnatdorchilik bildirib, futbolchilar va murabbiylar xalqning ishonchini oqlash uchun bor imkoniyatlarini ishga solishlariga va’da berib o‘tdi.

Eslatib o‘tamiz, Olimpiya terma jamoamiz bugun tunda Xitoyga uchib ketishadi. Vakillarimiz Osiyo chempionatidagi ishtiroklarini 9 yanvar kuni Qatar terma jamoasiga qarshi o‘yin bilan boshlashadi. Uchrashuv Toshkent vaqti bilan soat 16:30da boshlanadi.

Manba: www.the-uff.com
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?