Yemelyanenko raqibini mag‘lub eta olmadi va shifoxonaga yotqizildi

Rossiyalik jangchi Aleksandr Yemelyanenko va amerikalik Toni Jonson o‘rtasidagi kechgan jang durang bilan yakunlandi. Bu to‘qnashuv Moskvada WFCA (World Fighting Championship Akhmat) promousheni doirasida o‘tkazilgan 50-turnirda bo‘lib o‘tdi.

Uch raund yakunlariga ko‘ra, hakamlar – 29:28 (Jonson), 29:29, 29:29 hisoblarini qayd etishib, durang hisoblashdi.

Jangdan so‘ng 37 yoshli sportchiga tibbiy yordam ko‘rsatilib, “tez tibbiy yordam” mashinasida shifoxonaga jo‘natildi. Ma’lum bo‘lishicha, u yuzidan jiddiy jarohat olganligi aytilmoqda.

Eslatib o‘tamiz, Yemelyanenko 2016 yil qamoqdan chiqqanidan so‘ng 6 jang o‘tkazib, ularning beshtasida g‘alaba qozongan.



“Zamin”ni Telegramʻda oʻqing!