Superliganing 23-turi doirasidagi “Navbahor” - “Paxtakor” (3:3) uchrashuvidan keyingi matbuot anjumanining ikkinchi qismida mezbonlar ustozi Ilhom Moʻminjonov qatnashdi.
- Bugun Oʻzbekistondagi eng kuchli jamoaga qarshi oʻynadik. Uchrashuv muxlislarga yoqdi, deb oʻylayman. Chunki gollar-shousiga guvoh boʻlishdi. Meni xursand qilgan jihat shuki, futbolchilar oʻyinni 90 daqiqa oʻynash kerakligini tushunishdi va hakam hushtagiga qadar kurashishdi. Oʻyinga tanlangan taktika ishladi. Toʻgʻri, bugun koʻp gol oʻtkazib yubordik. “Navbahor” men kelganimdan buyon Namanganda hech qachon uchta gol qoʻyvormagandi. Ammo bu “Paxtakor” ekanligini unutmaslik kerak. Futbolchilarga oxirigacha kurashishgani va futbol oʻynashgani uchun rahmat aytaman.
- Jamoa sardori bogʻichini Davron Hoshimovda koʻrish kutilmagan voqea boʻldi. Toʻgʻri, avvalgi bahslarda jamoani sardor sifatida yetaklab tushgan Mehmonov oʻyinni oʻtkazib yubordi. Lekin maydonda Dilshod Jabborov ham harakat qilayotgandi...
- Bugun ikkita futbolchimiz - Oʻrunov va Mehmonov oʻynamadi. Jamoa sardorini esa futbolchilar tanlashdi. Endilikda yil oxiriga qadar jamoani Hoshimov sardor sifatida maydonga boshlab tushadi. Uning sardorlik oʻyini aynan “Paxtakor”ga qarshi uchrashuvda boshlandi. Bugun Hoshimov toʻrtinchi ogohlantirishni oldi va kelasi oʻyinni oʻtkazib yuboradi. Keyingi bahsda yana boshqa sardorni koʻramiz (kuladi).
- Bugun Oʻzbekistonning eng kuchli jamoasiga qarshi oʻynadik dedingiz. Bu bilan “Paxtakor”ni “Lokomotiv”dan kuchli demoqchimisiz?
- Yoʻq, yoʻq. Oxirgi besh yilni hisobga olib bu gapni aytdim. Chunki oxirgi yillarda “Loko” va “Paxtakor” chempionlik shohsupasidan pastga tushmayapti. Ammo “Bunyodkor”ni ham unutmaslik kerak. “Paxtakor” eng kuchli jamoalardan biri. Chunki har bir futbolchi “Paxtakor” nomini eshitganda bir koʻz oldiga yirik va kuchli jamoa gavdalanadi.
Superliganing kuchli-oltiligida oson jamoaning oʻzi yoʻq. Chempionlik uchun kurash esa davom etadi. Biz maydonga qarab oʻynamaymiz, aksincha raqibdan kelib chiqib oʻyin quramiz. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Ortiqcha vaznli insonlar uchun sog‘lom ovqatlanishning beshta muhim qoidasi
AQSHning G‘azodagi siyosatidan norozi Davlat departamenti rasmiysi iste’foga chiqdi
Lukashenko G‘arbga tahdid bilan chiqdi