"Nasaf"dan "Paxtakor"ga o‘tgan yarim himoyachi Odiljon Hamrobekov o‘zining instagramdagi sahifasi orqali sobiq klubi va muxlislar bilan iliq xayrlashdi.
"Assalomu alaykum "Nasaf" jamoasidagi yaqinlarim! Hammaga katta rahmat aytaman! Sizlar bilan birgalikda ajoyib damlarni o‘tkazganman. Bundan faxrlanaman! Agarda "Nasaf" jamoasiga ozmi-ko‘pmi yordam bergan bo‘lsam, bundan juda xursandman. Qashqadaryo xalqiga rahmat! Yaxshi va yomon kunlarda qo‘llab-quvvatlagan muxlislarga katta rahmat! Biz do‘stona xayrlashsak, men bundan juda xursand bo‘laman. "Nasaf" jamoasida ajoyib avlod, yangi yoshlar yetishib chiqmoqda. "Nasaf"dagi aka-ukalarimga yangi boshlanajak mavsumda omad tilayman! Bu jamoadan qanday futbolchilar ketishdi. Lekin klub tanlagan yo‘l va rahbariyat hamda murabbiylarning mehnati, jonkuyar muxlislar tufayli "Nasaf" ajoyib jamoa bo‘lib qolaveradi. Men "Nasaf" futbol klubi tarbiyalanuvchisi bo‘lganimdan faxrlanaman", - deb yozadi Odiljon Hamrobekov o‘zining "Instagram"dagi sahifasida.
Ma’lumot o‘rnida: Hamrobekov 2013 yildan boshlab "Nasaf" jamoasining asosiy tarkib futbolchisi hisoblanadi. Futbolchi "Nasaf" safida ichki chempionatda hozirga qadar 100 uchrashuvda maydonga tushgan va 2 ta gol muallifiga aylangan.
Eslatib o‘tamiz, "Nasaf" tarbiyalanuvchisi hisoblangan Odiljon Hamrobekovni "Paxtakor" kecha transfer qildi. Toshkentliklar futbolchining transferi uchun qarshiliklarga 2,5 milliard pul to‘lashdi. Shuningdek, "Nasaf" Hamrobekovning keyingi ehtimoliy transferidan 20 % ulushini saqlab qoldi. Agarda "Paxtakor" keyinchalik futbolchini sotadigan bo‘lsa, unda o‘sha mablag‘ning 20% ulushi "Nasaf" g‘aznasiga tushadi.
Manba: championat.asia “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
AQSH Isroilga qurol yetkazib berishni to‘xtatdi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi