Bugun Osiyo qit’asida JCh-2022 saralashi doirasidagi 5-tur bahslari bo‘lib o‘tdi hamda dastlabki davra o‘z yakuniga yetdi.
Afsuski terma jamoamiz o‘z maydonida Saudiya Arabistoniga yutqazib qo‘ydi va ikkinchi o‘ringa tushib qoldi. Osiyo qit’asidagi JCh-2022 saralash bahslari 8ta guruhda davom etmoqda.
Har bir guruhda birinchi o‘rinni olgan jamoalar (8ta) hal qiluvchi so‘nggi bosqichga chiqishadi. Ularga qo‘shilib 8ta guruhda eng yaxshi natija qayd etgan 4ta yoki 5ta ikkinchi o‘rin sohiblari ham keyingi bosqichga chiqadi.
Nima uchun 4ta yoki 5ta? Gap shundaki JCh-2022 mezboni Qatar bu saralashda ishtirok etmoqda. Sababi bu Jahon chempionati bilan birga Osiyo Kubogi-2023 uchun ham saralash vazifasini o‘tab bermoqda. Qatar agar hozirgi bosqichda o‘z guruhida 1-o‘rinni olsa yoki 2-o‘rinni olib eng yaxshi natijaga ega 4ta jamoadan biri bo‘lsa u holda o‘z o‘zidan quyidagi jadvalda beshinchi o‘rindagi jamoa ham so‘nggi bosqichga chiqadi.
Birinchi davra tugagan bir paytda O‘zbekiston terma jamoasi ikkinchi o‘rindagilar jadvalida eng so‘nggi pog‘onani egallab turibdi. Guruhdan hech bo‘lmasa ikkinchi o‘rin bilan chiqishni istasak keyingi o‘yinlarda raqiblarni imkon qadar yirik hisoblarda mag‘lub etaverishimiz shart va o‘z navbatida qolgan guruhlarda ikkinchi o‘rin egalarining ochko yo‘qotishini kutishimiz kerak bo‘ladi.
Eslatib o‘tamiz, terma jamoamiz o‘zining kelasi uchrashuvini 19 noyabr kuni Toshkentda Falastin terma jamoasiga qarshi olib boradi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
AQSH Isroilga qurol yetkazib berishni to‘xtatdi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi