Madridning «Real» jamoasi muxlislari juda ham ko‘p. Furkat.uz sayti mazkur jamoa tarixida zarxal harflar bilan bitilgan sanalar haqida ma’lumot berib o‘tadi.
1. 1902 yil 6-mart. Bir guruh futbol muxlislari «Madrid Foot Ball Club» jamoasini tuzishdi. Jamoa boshqaruvini Xuan Padros Rubio o‘z qo‘liga oldi.
2. 1902 yil 13-may. «Madrid» va «Barselona» o‘rtasida ilk «El Klassiko» o‘tkazildi. Unda tarkibida bir qator chet ellik futbolchilar to‘p surgan kataloniyaliklar 3:1 hisobida g‘alaba qozonishdi.
3. 1902 yilda «Real» «Espanol»ni 3:2 hisobida mag‘lub etib, o‘z tarixidagi ilk sovrin «Copa de la Gran Peca»ni qo‘lga kiritdi.
4. 1905 yil 18-aprel. «Madrid» jamoasi o‘z tarixida ilk bor Ispaniya chempionligini qo‘lga kiritdi. O‘sha paytda bu musobaqa «Kubok Chempionati» deb atalar edi.
5. 1920-yil 29-iyun. Ispaniya qiroli «Madrid» jamoasiga «Qirollik klubi» unvonini berdi. Shu paytdan boshlab jamoa «Real Madrid» deb nomlana boshladi.
6. 1939-yil 19-aprel. fuqarolar urushidan so‘ng Pedro Parages jamoani qayta tuzishga qaror qildi. Urush paytida maydon buzilgan, futbolchilar turli joylarga tarqalib ketishgan edi.
7. 1943-yil 13-iyun. Ispaniya Kubogi yarim finalining birinchi uchrashuvida «Barselona»ga 0:3 hisobida imkoniyatni boy bergan «Real» javob uchrashuvida raqibini 11:1 hisobida mag‘lubiyatga uchratdi.
8. 1943-yil 15-sentyabr. Jamoa tarixidagi eng buyuk kun. Shu kuni «Real»ga Santyago Bernabeu prezident etib tayinlandi.
9. 1947-yil 14-sentyabr. «Santyago Bernabeu» stadionining ochilish marosimi bo‘lib o‘tdi. Unda mezbonlar Portugaliyaning «Os Belenensesh» jamoasini 3:1 hisobida taslim qilishdi.
10. 1956-yil 13-iyun. «Real» ilk bora o‘tkazilgan Chempionlar kubogida muvaffaqiyat qozondi. Madridliklar hal qiluvchi bahsda Fransiyaning «Reyms» jamoasini 4:3 hisobida taslim qilishdi.
11. 1960-yil 15-may. «Real» qatorasiga beshinchi marotaba Chempionlar kubogida g‘olib chiqib rekord o‘rnatdi.
12. 1978-yil 2-iyun. Jamoaga 35 yil davomida prezidentlik qilib kelgan Santyago Bernabeu olamdan o‘tdi.
13. 1985-yil 22-may. «Real Madrid» o‘z tarixida ilk marta UEFA Kubogini qo‘lga kiritdi.
14. 1998-yil 12-yanvar. FIFA «Real Madrid»ni tarixdagi eng yaxshi jamoa deb tan oldi.
15. 2000-yil 23-dekabr. FIFA «Real Madrid»ni XX asrning eng kuchli jamoasi deb e’lon qildi. Florentina Peres va Alfredo di Stefano FIFA prezidenti Yozef Blatterning qo‘lidan mukofotni qabul qilib olishdi.
Furqat Yusupov to‘pladi
Manba: www.Furkat.uz “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
