Yamanlik molekular biolog Hoshim Al Gayli sun’iy intellektga ega Cognify nomli kelajak qamoqxonasi loyihasini taqdim etdi. Bu haqda Daily Mail xabar berdi.
Foto: @hashem.alghaili / Instagram
Mazkur qamoqxona jinoyatchilarga sodir etgan barcha yovuzliklarini o‘zlarida his qilishlari va o‘tmishlaridan saboq olishlariga imkon berishi kutilmoqda. Cognify tizimi miya implantati va sodir etilgan jinoiy kadrlarni translyatsiya qiladigan qurilmani o‘z ichiga oladi. Kadrlar sun’iy intellekt (SI) tomonidan yaratilgan, unda jinoyatchi o‘zini qurbon o‘rnida his qiladi.
Vizual effektlardan tashqari, tizim jismoniy reaksiyani ham keltirib chiqarishi mumkin. Jumladan, mahkum jabrlanuvchini qanday og‘riq va azob-uqubatlarga duchor qilganini his qiladi. Jinoyat va hukmning jiddiyligiga qarab, kadrlarni muayyan mahbusga moslashtirish mumkin.
Foto: @hashem.alghaili / Instagram
Qachondir Cognify sun’iy xotiralarni to‘g‘ridan to‘g‘ri mahbusning miyasiga kiritishi mumkin. Ushbu xotiralar real vaqt rejimida yaratiladi. Reabilitatsiya bir necha daqiqa davom etsa-da, jinoyatchiga yillardek tuyuladi. Ba’zi xotiralar jabrlanuvchi oilasining qayg‘usi yoki jabrlanuvchining jismoniy va hissiy jarohatlari kabi zo‘ravonlik harakatlarining uzoq muddatli oqibatlarini modellashtiradi, deyiladi loyiha taqdimotida.
Mahbuslar yuqori aniqlikdagi miya skaneridan o‘tadilar, bu ularning asab yo‘llarining batafsil xaritasini yaratadi. Xarita Cognify qurilmasiga xotira, fikrlash va mantiqiy fikrlash uchun mas’ul bo‘lgan miyaning muayyan hududlarini nishonga olish imkonini beradi.
Cognify har bir mahkum haqidagi maxfiy ma’lumotlar va uning reabilitatsiyasi to‘g‘risidagi ma’lumotlar bazasiga ega bo‘ladi.
Mazkur konsepsiya uzoq muddatli qamoq va u bilan bog‘liq xarajatlarni sezilarli darajada qisqartirish orqali jinoiy sud tizimida inqilob qilishi mumkin.
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Messi Amerika Kubogi haqida: "So‘nggi finallar oldidan qarta o‘ynab, kech uxlaganmiz"
Toshkent viloyatida Gentra'ga urilgan Damas ag‘darilib ketdi
Konor MakGregor: "Tramp Pensilvaniyada o‘qlarni tupurib yubormoqda!"
Tadbirkor: “10 ming dollarga olgan quyosh panelimizni 30 mln so‘mga sertifikat qilasan deyishdi”
Pensilvaniyadagi miting chog‘ida Trampni otishdi. Ilk reaksiyalar
Munisa Rizayeva qimmatbaho avtomobillari, qurayotgan hovlisi hamda Instagram'dan qancha pul ishlashini aytdi
«Yandeks» biznesi rossiyalik investorlar konsorsiumiga sotildi
Toshkentda mahalla binosi yonib ketdi (video)
