Apple Airpods’ning yaqinda sotuvga chiqishini ma’lum qildi

MacRumors nashriga ma’lum bo‘lishicha, Apple korporatsiyasi vakillari xaridorlardan birining hali sotuvga chiqarilmagan AirPods quloqchinlari haqidagi so‘roviga javob berdi. Bu haqda «Daryo» xabar bermoqda.

Kompaniyaning javobidan ma’lum bo‘lishicha, yangi aksessuar ustidagi ishlar davom etmoqda, ammo uning chiqishiga oz vaqt qoldi.

«Ushlanib qolgani uchun uzr. Biz ishlanmalarni tamomlamoqdamiz, yetkazmalar keyingi bir necha hafta davomida boshlanadi», — dedi kompaniya rahbari Tim Kuk so‘rovga javoban.

Nashr keltirilgan maktubning soxta bo‘lishi mumkinligini ham istisno etmayapti. Negaki kompaniya vakillari MacRumors‘ning mazmundagi so‘roviga javob bermadi.