iOS operatsion tizimi uchun Telegram ilovasining 12.5 versiyasi taqdim etildi. Ushbu yangilanish chatlar va media fayllar bilan ishlovchi foydalanuvchilar uchun ko‘plab qulayliklarni taqdim etadi.
Yangi versiyadagi asosiy o‘zgarishlar:
- Fayllar endi fon rejimida yuklanadi. Ilova yopiq bo‘lsa yoki telefon blokirovka qilingan taqdirda ham yuklash jarayoni davom etadi va uni Activity panelida kuzatish mumkin.
- Guruhlarda yangi teglar tizimi joriy etildi. Admin lavozimlari rang bilan ajratiladi, oddiy foydalanuvchilar esa o‘zlariga kulrang teglar qo‘yishlari mumkin.
- Premium obunachilari uchun shaxsiy chat himoyasi kuchaytirildi. Endi nusxa olish, boshqaga yuborish (forward), skrinshot olish va fayllarni saqlashni taqiqlash mumkin.
- GIF tasvirlariga matnli izoh (caption) qo‘shish imkoniyati paydo bo‘ldi.
- Fotosuratlarni bir bosishda stikerga aylantirish va maxsus redaktor orqali ularni tahrirlash (matn yozish, chizish, emoji qo‘shish) yo‘lga qo‘yildi.
- Ovoz berish jarayonlarida kim qachon ovoz berganini ko‘rish imkoni yaratildi.
- Telegram orqali saytlarga kirish (login) tizimi tezlashtirildi va yangi interfeys bilan boyitildi.
- Xabar ichidan tadbir (event) yaratish va uni kalendar bilan integratsiya qilish funksiyasi qo‘shildi.
“Zamin”ni Telegramʻda oʻqing!
