Rossiyada 2026 yilning birinchi choragida vokal studiyalari va maktablaridan keladigan spam qo'ng'iroqlar soni ikki barobarga oshdi. MTS kompaniyasi ma'lumotlariga ko'ra, himoya xizmati 17,3 milliondan ortiq shunday chaqiruvlarni bloklagan. Bu haqda Ixbt.com xabar beradi.
Spamerlar dastlab raqam faolligini tekshirish uchun qisqa qo'ng'iroqlarni amalga oshiradi, so'ngra o'z xizmatlarini taklif qilib qayta aloqaga chiqadi. Bunday qo'ng'iroqlar asosan 25-44 yoshdagi ayollarga qilinadi.
Ularning har uchinchisi farzandli bo'lib, bu musiqiy ta'limga bo'lgan yuqori talab bilan izohlanadi.
MTS telekom-texnologiyalar mahsulotlari markazi direktori Andrey Biychukning ta'kidlashicha, sun'iy intellekt tarmoqdagi spam raqamlarni tobora aniqroq aniqlab, bloklamoqda. Regulyator esa ommaviy qo'ng'iroqlar bo'yicha nazorat va javobgarlik choralarini kuchaytirmoqda.
Uning so'zlariga ko'ra, yaqin kelajakda kompaniyalar uchun bunday qo'ng'iroqlarni amalga oshirish iqtisodiy jihatdan foydasiz bo'lib qoladi.
“Zamin”ni Telegramʻda oʻqing!
