Qozog'iston o'rta toifadagi "Soyuz-5" eltuvchi raketasining uchirilishi bilan kosmik davlatlar klubi tarkibiga kirdi. Bu haqda "Roskosmos" rahbari Dmitriy Bakanov raketa parvozi vaqtida ma'lum qildi. Bu haqda Ixbt.com xabar beradi.
Qozog'iston Rossiyaning "Bayterek" loyihasi bo'yicha hamkori hisoblanadi. Parvozdan oldin ushbu loyiha jiddiy modernizatsiya qilindi.
Dmitriy Bakanov: "Ulkan voqea yuz berdi. Bu davlatlararo loyihadir.
Raketa prezident topshirig'iga binoan yaratildi va muvaffaqiyatli uchirildi. Qozog'istonlik hamkorlarimizni kosmik davlatlar klubiga kirgani bilan tabriklaymiz", deb ta'kidladi.
Qozog'iston Raqamli rivojlanish vazirligi "Soyuz-5" raketasining birinchi muvaffaqiyatli parvozini qozoq kosmonavtikasining yangi davri deb atadi.
Eslatib o'tamiz, 30 aprel kuni Boyqo'ng'ir maydonidan "Soyuz-5" raketasining birinchi sinov parvozi amalga oshirildi. Raketaning birinchi va ikkinchi bosqichlari shtat rejimida ishladi, maket Tinch okeani akvatoriyasiga quladi.
"Soyuz-5" raketasining balandligi 65,2 metrgacha, start massasi esa 531 tonnani tashkil qiladi. Uning yuk ko'tarish qobiliyati 17 tonnaga teng bo'lib, apparatlarni Yer atrofi orbitasiga yuqori aniqlikda olib chiqadi.
“Zamin”ni Telegramʻda oʻqing!
