Apple ikkinchi chorakda 111 mlrd dollar daromad ko'rdi
"Apple" kompaniyasi 2026-moliyaviy yilining ikkinchi choragida 111 milliard dollar daromad e'lon qildi. Ushbu davrda xizmatlar ko'rsatish va "iPhone" savdosi bo'yicha yangi rekordlar o'rnatildi. Operatsion foyda 35,9 milliard dollarni tashkil etib, o'tgan yilga nisbatan sezilarli o'sish ko'rsatdi. "iPhone" savdosi 22 foizga oshib, 57 milliard dollarni tashkil etdi.
"Apple" kompaniyasi 2026-moliya yilining ikkinchi choragi uchun hisobot e'lon qildi. Bu haqda Ixbt.com xabar beradi.
Kompaniya ushbu davrda xizmatlar ko'rsatish, umumiy daromad va "iPhone" savdosi bo'yicha yangi tarixiy rekordlarni o'rnatdi.
Kompaniyaning choraklik daromadi o'tgan yildagi 95,4 milliard dollarga nisbatan 111,2 milliard dollarni tashkil etdi.
Operatsion foyda 29,6 milliarddan 35,9 milliard dollarga o'sdi, sof foyda esa 29,6 milliard dollarga yetdi.
"iPhone" savdosi qariyb 22 foizga o'sib, 46,8 milliarddan 57 milliard dollarga ko'tarildi.
Shuningdek, "Mac" kompyuterlari savdosi 8,4 milliard dollarga, "iPad" savdosi esa 6,9 milliard dollarga yetdi.
Xizmatlar segmenti kompaniyaga 30,98 milliard dollar daromad keltirdi.
Izohlar 0
…