Rossiya ilovalari smartfonlarda VPN dasturlarini aniqlashni boshladi
Rossiya ilovalari smartfonlarda VPN dasturlarini aniqlashni boshladi. O'rganilgan 30 ta mashhur ilovadan 22 tasi VPN tarmoqlarini aniqlaydi va 19 tasi bu haqda ma'lumotni dasturchi serveriga yuboradi. "Wildberries", "Ozon" va "Yandex" kabi xizmatlar qurilmada o'rnatilgan barcha VPN dasturlarini ro'yxatini so'raydi, bu esa foydalanuvchilarning qaysi VPN mijozi bilan ishlayotganini aniqlash imkonini beradi. Mutaxassislar bunday mexanizmlarning shaxsiy hayotga ta'sir qilishi mumkinligini ta'kidlamoqda.
Rossiyaning eng ommabop Android ilovalari VPN tarmoqlarini aniqlash mexanizmlarini ommaviy ravishda joriy qilishni boshladi. Bu haqda Ixbt.com xabar beradi.
"RKS Global" kompaniyasi ma'lumotlariga ko'ra, o'rganilgan 30 ta mashhur ilovadan 22 tasi VPN tarmog'ini aniqlaydi. Ularning 19 tasi esa bu haqdagi ma'lumotni dasturchi serveriga yuboradi.
Aprel oyi o'rtalariga kelib bu ko'rsatkich 100 foizga yetgan. Ilovalar nafaqat VPN ishlatilayotganini tekshiradi, balki tarmoq marshrutlari va DNS sozlamalarini ham tahlil qiladi.
"Wildberries", "Ozon", "2GIS" va "RuStore" kabi xizmatlar qurilmaga o'rnatilgan barcha VPN dasturlari ro'yxatini so'raydi. Bu orqali qaysi aniq VPN mijozlaridan foydalanilayotganini bilish mumkin.
Tadqiqotda "Yandex" mahsulotlariga alohida e'tibor qaratilgan. Kompaniyaning barcha ilovalari VPN holatini yagona server orqali tekshiradi va masofaviy buyruqlarni qabul qilishi mumkin.
Shuningdek, "Yandex Browser" smartfonda Tor izlarini qidirishi aniqlandi. Mutaxassislarning fikricha, bu kabi mexanizmlar oddiy firibgarlikka qarshi himoya doirasidan chiqib, shaxsiy hayot daxlsizligiga ta'sir qiladi.
Izohlar 0
…