Sony va Nintendo kompaniyalari o‘zlarining joriy o‘yin konsollari savdosi bo‘yicha yangi hisobotlarni taqdim etdi. Unga ko‘ra, 2020-yilning ikkinchi yarmida sotuvga chiqqan PlayStation 5 konsoli allaqachon 92,1 million dona sotilishga muvaffaq bo‘ldi. Bu haqda Ixbt.com xabar beradi.
Ushbu natija PlayStation 5 konsolini barcha davrlarning eng ko‘p sotilgan o‘yin qurilmalari ro‘yxatida sakkizinchi o‘ringa olib chiqdi va u o‘zidan oldingi avlod vakili bo‘lgan PS3 ko‘rsatkichlarini ortda qoldirdi. Mutaxassislarning fikricha, PS6 chiqarilishiga hali vaqt borligi sababli, PS5 kelajakda PS4 natijalarini ham yangilashi mumkin.
Nintendo kompaniyasi esa o‘zining Switch 2 konsoli bo‘yicha ma’lumotlarni yangiladi. O‘tgan yili bozorga chiqqan ushbu qurilma hozirgacha 19,86 million dona sotilgan. Shunga qaramay, Nintendo 2027-moliya yili uchun prognozlarini 16,9 foizga pasaytirib, 16,5 million donani tashkil etishini ma’lum qildi.
Shuningdek, xotira chiplari bozoridagi vaziyat tufayli Nintendo 1-sentabrdan boshlab Switch 2 narxini 450 dollardan 500 dollargacha oshirishini e’lon qildi.
“Zamin”ni Telegramʻda oʻqing!
