Aohi kompaniyasi Prometheus nomli yangi USB-C zaryadlash kabelini taqdim etdi. Ushbu qurilma nafaqat gadjetlarni quvvatlantirish, balki bir qator qo‘shimcha funksiyalarni bajarish uchun mo‘ljallangan g‘ayrioddiy aksessuardir. Bu haqda Ixbt.com xabar beradi.
Kabel 240 Vt quvvatni qo‘llab-quvvatlaydi, bu esa smartfonlar, planshetlar va hatto noutbuklarni tezkor quvvatlantirish imkonini beradi. Ma’lumotlar uzatish tezligi esa 480 Mbit/s ni tashkil etadi. Qurilmaning uzunligi 166 mm ga teng.
Eng qiziqarli jihati shundaki, kabel korpusiga zajigalka va titan qotishmasidan tayyorlangan yashirin pichoq o‘rnatilgan. Pichoqning Brinell qattiqligi 400 birlikni tashkil etib, u simlarni va boshqa turli buyumlarni kesishga mo‘ljallangan.
Ushbu ko‘p funksiyali aksessuar foydalanuvchilarga qulaylik yaratish maqsadida ishlab chiqilgan. Aohi Prometheus kabelining narxi taxminan 45 dollarni tashkil etadi.
“Zamin”ni Telegramʻda oʻqing!
