Space Energy kompaniyasi Primorye oʻlkasida Rossiyadagi ilk xususiy kosmodromni barpo etishni maqsad qilgan. «Primorskiy» deb nomlangan ushbu loyiha asosan kichik kosmik apparatlarni tijoriy maqsadlarda uchirishga moʻljallangan. Bu haqda Ixbt.com xabar beradi.
Yangi majmua kichik raketa-tashuvchilar, shuningdek, suborbital, ilmiy va texnologik missiyalarni amalga oshirish uchun xizmat qiladi. Loyiha mualliflarining rejasiga koʻra, kosmodrom yiliga 50 tagacha parvozni amalga oshirish quvvatiga ega boʻladi.
Xususiy maydonchaning asosiy afzalligi — moslashuvchanlik va mustaqillikdir. Davlat kosmodromlaridan farqli oʻlaroq, bu yerda jarayonlar tezlashadi, xarajatlar qisqaradi hamda ortiqcha byurokratik kelishuvlar kamayadi.
Primorye oʻlkasining geografik joylashuvi ham muhim ahamiyatga ega. Bu hudud apparatlarni quyosh-sinxron va qutb orbitasiga chiqarish uchun qulay trayektoriyalarni taʼminlaydi, shuningdek, raketa bosqichlarining dengiz ustiga xavfsiz tushishini kafolatlaydi.
Space Energy kompaniyasi oʻz arsenalida «Orbita» va «Yasen» oʻta yengil raketa-tashuvchilari hamda «Kamchatka» suborbital raketasiga ega. Joriy yilda «Kamchatka-1» raketasining ilk parvozini amalga oshirish rejalashtirilgan.
“Zamin”ni Telegramʻda oʻqing!
