Kelajakda ish joylarimiz qanday ko'rinish oladi? So'nggi paytlarda xodimlar o'z kompyuterlari bilan ko'proq muloqot qilishmoqda. Wall Street Journal nashrining yozishicha, Wispr kabi diktovka ilovalari "vibe coding" vositalari bilan integratsiya qilinishi ofis madaniyatini tubdan o'zgartirib yubordi. Bu haqda Techcrunch.com xabar beradi.
Bir venchur investorning ta'kidlashicha, bugungi kunda startap ofislariga kirgan odam o'zini xuddi yirik koll-markazda turgandek his qiladi. Gusto asoschisi Edvard Kim o'z jamoasiga kelajakda ofislar xuddi savdo bo'limi kabi shovqinli bo'lishini aytgan. Uning o'zi hozirda faqat o'ta zarur hollardagina klaviaturadan foydalanayotganini tan oladi.
Biroq, doimiy ravishda kompyuterga gapirib ishlash ba'zi noqulayliklarni keltirib chiqarmoqda. AI sohasidagi tadbirkor Molli Amkraut Myullerning aytishicha, uning kompyuterga shivirlab gapirish odati turmush o'rtog'ini bezovta qilgan, shu sababli ular endi alohida xonalarda ishlashga majbur bo'lishmoqda.
Wispr asoschisi Tanay Kothari esa bu holat vaqt o'tishi bilan odatiy tus olishiga ishonchi komil. Uning fikricha, bugun smartfon ekraniga soatlab tikilib o'tirish qanday tabiiy qabul qilinsa, kelajakda kompyuter bilan ovozli muloqot qilish ham xuddi shunday oddiy jarayonga aylanadi.
“Zamin”ni Telegramʻda oʻqing!
