Xitoy o‘zining kosmik dasturini jadal rivojlantirishda davom etmoqda. 11-may kuni ertalab Xaynan orolidagi Venchan kosmodromidan Tianzhou-10 yuk kemasi Tian-gun milliy orbital stansiyasi tomon muvaffaqiyatli uchirildi. Parvoz uchun Changzheng-7 raketa-tashuvchisidan foydalanildi va jarayon hech qanday muammosiz amalga oshdi. Bu haqda Ixbt.com xabar beradi.
Uchirilgandan taxminan 10 daqiqa o‘tgach, kema raketadan ajralib, belgilangan orbitaga chiqdi. Xitoyning boshqariladigan kosmik parvozlar dasturi boshqarmasi quyosh panellari shtat rejimida ochilganini tasdiqladi. Yaqin vaqt ichida apparat orbital stansiya bilan avtomatik tutashuvni amalga oshiradi.
Tianzhou-10 stansiyaga yoqilg‘i, taykonavtlar uchun oziq-ovqat zaxiralari, ilmiy tadqiqot uskunalari hamda ochiq kosmosga chiqish uchun mo‘ljallangan yangi skafandrni yetkazib beradi. Bu Tianzhou yuk kemalari seriyasining 10-missiyasi, Xitoy boshqariladigan dasturining 39-uchirilishi va Changzheng raketalari oilasi uchun 641-parvoz bo‘ldi.
“Zamin”ni Telegramʻda oʻqing!
