Yangi Pro Max flagmanining texnik xususiyatlari oshkor etildi

Taniqli insayder Digital Chat Station Pro Max nomli yangi flagman smartfonning texnik xususiyatlari haqida maʼlumot berdi. Qurilma 1/1,3 dyuymli yirik sensorga ega 200 MP asosiy kamera hamda 1/1,28 dyuymli sensorli 200 MP periskopik modul bilan jihozlanishi kutilmoqda. Shuningdek, smartfonga 3 MP li multispektral datchik ham oʻrnatilishi rejalashtirilgan. Bu haqda Ixbt.com xabar beradi.

Smartfonning apparat taʼminoti uchun 2 nm texnologik jarayon asosida ishlab chiqarilgan yangi MediaTek Dimensity protsessori javob beradi. Displey borasida ikkita variant koʻrib chiqilmoqda: 2K piksellar sigʻimiga ega 6,89 dyuymli LTPO ekran yoki 1,5K sifatli 6,78 dyuymli ixchamroq panel.

Hozirgi vaqtda ayrim texnik jihatlar, jumladan, ultra keng burchakli kamera tanlovi AB-test jarayonida turibdi. Kompaniya 200 MP li yirik sensor va 50 MP li oddiyroq variant oʻrtasida yakuniy qarorga kelishi kerak. Eslatib oʻtamiz, Digital Chat Station avvalroq Xiaomi 15, Xiaomi 15 Pro va Realme GT 7 Pro haqidagi maʼlumotlarni toʻgʻri bashorat qilgan edi.

Nodirbek Razzokov

«ZAMIN.UZ» muharriri

+ Zamin.uz saytini Google'ga qo'shing