Xiaomi kompaniyasi o‘zining yangi Mijia High-speed Water Ion Hair Dryer Pro soch quritgichini sotuvga chiqardi. Ushbu ilg‘or model sochlarni ehtiyotkorlik bilan quritish, haroratni nazorat qilish va turmaklash jarayonida ularni himoya qilishga qaratilgan. Bu haqda Ixbt.com xabar beradi.
Qurilmaning asosiy o‘ziga xosligi — o‘rnatilgan ToF (Time-of-Flight) datchigidir. U real vaqt rejimida soch quritgich tumshug‘i va sochlar orasidagi masofani kuzatib boradi. Olingan ma’lumotlar asosida tizim havo oqimi haroratini avtomatik tarzda rostlaydi, bu esa qizib ketishning oldini oladi.
Xiaomi ushbu texnologiya orqali bosh terisi va sochlarning shikastlanish xavfini sezilarli darajada kamaytirishni va’da qilmoqda. Qurilma orqa qismida rangli displey bilan jihozlangan bo‘lib, boshqaruv tugmalar va aylanuvchi o‘tkazgich yordamida amalga oshiriladi. Foydalanuvchilar havo oqimi tezligi va haroratni alohida sozlashlari mumkin.
Qurilmaning quvvati 1600 Vtni tashkil etadi. To‘plamga turli xil turmaklash turlari uchun bir nechta nasadkalar, shuningdek, metall taglik va devorga o‘rnatiladigan magnit kronshteyn kiradi. Hozirda mahsulot JD.com platformasida 105 dollar atrofidagi chegirmali narxda sotilmoqda.
“Zamin”ni Telegramʻda oʻqing!
