RedMagic 11S Pro flagmanining texnik xususiyatlari oshkor etildi

RedMagic kompaniyasi 18-may kuni taqdim etiladigan yangi 11S Pro oʻyin smartfonining asosiy texnik xususiyatlarini rasman maʼlum qildi. Qurilma kumush va qora ranglarda taqdim etilib, tashqi koʻrinishi jihatidan avvalgi RedMagic 11 Pro modelini eslatadi. Smartfon korpusida suyuq sovutish tizimi uchun maxsus AquaCore tirqishi va oʻrnatilgan ventilyator mavjud. Bu haqda Ixbt.com xabar beradi.

Smartfonning asosiy jihati sifatida Snapdragon 8 Elite Gen 5 Leading Version protsessori tanlangan. Bu oddiy Snapdragon 8 Elite Gen 5 chipining tezlashtirilgan versiyasi boʻlib, uning superyadrosi 4,74 GGs chastotada ishlaydi. Ushbu protsessor Samsung Galaxy S26 Ultra, Galaxy S26 va Galaxy S26 Plus modellarida qoʻllaniladigan Snapdragon 8 Elite Gen 5 for Galaxy chipi bilan bir xil darajadagi unumdorlikni taʼminlaydi.

Qurilma 6,85 dyuymli AMOLED ekran bilan jihozlangan boʻlib, u Full HD+ tasvir aniqligi va 144 GGs yangilanish tezligini qoʻllab-quvvatlaydi. Ekranda hech qanday kesiklar yoʻq, chunki old kamera displey ostiga yashiringan. Smartfonning avtonom ishlashini taʼminlash uchun 7500 mАch sigʻimli akkumulyator va 80 Vt quvvatda tezkor quvvatlash texnologiyasi oʻrnatilgan.

Nodirbek Razzokov

«ZAMIN.UZ» muharriri

+ Zamin.uz saytini Google'ga qo'shing