Batareyalarni qayta ishlash va energiya saqlash tizimlari bilan shugʻullanuvchi Redwood Materials kompaniyasi oʻzining yangi moliya direktori (CFO) lavozimiga Deepak Ahujani tayinladi. Ahuja avval Tesla kompaniyasida moliya direktori boʻlib ishlagan va Redwood Materials asoschisi JB Straubel bilan uzoq yillik hamkorlik aloqalariga ega. Kompaniya rahbariyatida Tesla kompaniyasidan kelgan koʻplab mutaxassislar faoliyat yuritmoqda. Bu haqda Techcrunch.com xabar beradi.
Bozordagi sunʼiy intellekt va texnologik kompaniyalarning IPO (birlamchi ommaviy taklif) jarayonlariga boʻlgan qiziqish yuqori boʻlishiga qaramay, Ahuja hozircha kompaniyaning birja chiqishi haqida gapirishga erta ekanligini taʼkidladi. Uning soʻzlariga koʻra, Redwood Materials yirik investorlardan yetarlicha mablagʻ jalb qila olmoqda va kompaniya qiymati allaqachon 6 milliard dollardan oshgan.
Kompaniya yaqinda tarkibiy oʻzgarishlarni amalga oshirdi va xodimlarining 10 foizini qisqartirdi. Ushbu qadam energiya saqlash biznesini rivojlantirishga qaratilgan strategiyaning bir qismi hisoblanadi. Ahuja kompaniyaning apparat taʼminoti (hardware) sohasidagi faoliyati uni dasturiy taʼminotga asoslangan AI kompaniyalaridan ajratib turishini va bu barqarorlikni taʼminlashini qayd etdi.
“Zamin”ni Telegramʻda oʻqing!
