General Motors sunʼiy intellekt mutaxassislarini yollash uchun IT xodimlarini ishdan boʻshatdi
General Motors kompaniyasi o‘zining IT bo‘limidagi xodimlarning 10 foizdan ortig‘ini, yani taxminan 600 nafar mutaxassisni ishdan bo‘shatdi. Ushbu qaror kompaniyaning sun’iy intellekt (AI) sohasidagi salohiyatini oshirishga qaratilgan strategik o‘zgarishlar doirasida amalga oshirildi. Bu haqda Techcrunch.com xabar beradi.
Kompaniya vakillarining ta’kidlashicha, ushbu qisqartirishlar shunchaki xodimlar sonini kamaytirish emas, balki IT bo‘limini kelajak talablariga moslashtirish maqsadida qilingan. GM hozirda sun’iy intellekt, ma’lumotlar muhandisligi, bulutli texnologiyalar va model ishlab chiqish bo‘yicha chuqur bilimga ega mutaxassislarni faol ravishda izlamoqda.
GM endilikda AI vositalaridan foydalanuvchi xodimlardan ko‘ra, tizimlarni noldan loyihalashtira oladigan, modellarni o‘qitadigan va murakkab AI ish jarayonlarini yarata oladigan muhandislarga ustunlik bermoqda. Bu o‘zgarishlar kompaniyaning avtonom transport vositalari va dasturiy ta’minot sohasidagi raqobatbardoshligini oshirishga qaratilgan.
So‘nggi oylarda kompaniya Apple va Kruise kabi yirik texnologik korxonalardan tajribali mutaxassislarni jalb qildi. Ushbu qayta tashkil etish jarayoni yirik korxonalarning sun’iy intellektni joriy etishda shunchaki yangi vositalarni qo‘shish bilan cheklanmay, butun ishchi kuchini tubdan yangilashga o‘tayotganini ko‘rsatadi.
“Zamin”ni Telegramʻda oʻqing!
