SpaceX kompaniyasi o‘zining navbatdagi parvozga tayyorgarlik bosqichini muvaffaqiyatli yakunladi. Kompaniya Flight 12 missiyasi doirasida Starship va Super Heavy V3 majmuasini yoqilg‘i bilan to‘ldirish bo‘yicha muhim sinovlarni o‘tkazdi. Bu haqda Ixbt.com xabar beradi.
Sinov jarayonida raketa tizimlariga 5000 tonnadan ortiq yoqilg‘i yuklandi. Bu jarayon parvoz oldidan o‘tkaziladigan so‘nggi va eng muhim texnik tekshiruvlardan biri hisoblanadi. SpaceX mutaxassislari parvozni imitatsiya qiluvchi ortga sanash jarayonini ham muvaffaqiyatli amalga oshirdi.
Kompaniya ushbu jarayon aks etgan ta’sirli fotosuratlarni ommaga taqdim etdi. Rasmiy bayonotda qayd etilishicha, 11 million funtdan ortiq yoqilg‘i yuklanishi tizimning barqarorligini tasdiqlash uchun zarur edi.
Hozirda muhandislar barcha ma’lumotlarni tahlil qilish va texnik tekshiruvlarni yakunlash bosqichida. Parvozning aniq sanasi yaqin sutka ichida e’lon qilinishi kutilmoqda.
“Zamin”ni Telegramʻda oʻqing!
