Xitoyning Seres kompaniyasi elektromobillar xavfsizligini taʼminlashga qaratilgan noodatiy texnologiyani patentladi. Yangi tizimga koʻra, jiddiy yoʻl-transport hodisasi yuz berganda, avtomobilning akkumulyator bloki kuzovdan avtomatik ravishda ajralib chiqadi. Bu haqda Ixbt.com xabar beradi.
Ushbu yechimning asosiy maqsadi — yongʻin va qisqa tutashuv xavfini kamaytirishdir. Yuqori kuchlanishli batareya avariya vaqtida asosiy xavf manbai hisoblanadi, uni fizik jihatdan uzoqlashtirish esa haydovchi va yoʻlovchilarning hayotini saqlab qolishga yordam beradi.
Patent hujjatlariga koʻra, tizim old va orqa tayanch elementlari hamda elektr itargichlar bilan jihozlangan. Avariya haqida signal olingach, mexanizm bir zumda mahkamlagichlarni blokdan chiqaradi va batareya blokini avtomobildan uzib qoʻyadi. Konstruksiya tezkor va boshqariladigan jarayonni taʼminlash uchun maxsus oʻzaro ilashuvchi elementlarga asoslangan.
Mazkur patent arizasi 2023-yilning noyabr oyida topshirilgan boʻlib, rasmiy tasdiq 2026-yil 8-mayda olingan. Eʼtiborli tomoni shundaki, Seres avvalroq oʻz avtomobillariga oʻrnatiladigan noodatiy yechim — avtomobil ichidagi hojatxona uchun ham patent olgan edi.
“Zamin”ni Telegramʻda oʻqing!
