2026-yilning aprel oyida jami 76 ta kosmik apparat o‘z faoliyatini yakunladi, bu kuniga o‘rtacha 2,53 ta qurilma deganidir. Statistikadagi eng katta ulush SpaceX kompaniyasining Starlink sun’iy yo‘ldoshlariga to‘g‘ri keldi — ulardan 51 tasi atmosferaga yo‘naltirilib, yoqib yuborildi. Bu haqda Ixbt.com xabar beradi.
Starlink’dan tashqari, turli mamlakatlarning boshqa qurilmalari ham orbitani tark etdi. Ular orasida Rossiyaning «Kosmos-1908» va «Progress MS-32», Xitoyning «Jilin-1 Gaofen-03D-14» va «Jilin-1 Gaofen-03D-16», shuningdek, Yaponiya, Janubiy Koreya, Germaniya, Tailand, Lyuksemburg va BAAga tegishli sun’iy yo‘ldoshlar bor.
Ro‘yxatdagi eng diqqatga sazovor qurilmalardan biri 1988-yilda uchirilgan «Kosmos-1908» bo‘ldi. Deyarli 40 yil davomida Yer atrofida aylangan ushbu apparat aprel oyida o‘z missiyasini yakunlab, atmosferada yonib ketdi. Bu holat kosmik chiqindilarni tozalash va eski apparatlarni orbitadan chiqarish jarayoni qanchalik faollashganini ko‘rsatadi.
Umuman olganda, aprel oyi orbitadagi ishlar qanchalik jadallashganini namoyish etdi. SpaceX o‘zining Starlink guruhini yangilashda davom etar ekan, boshqa davlatlar ham eskirgan texnologiyalarni orbitadan olib tashlash orqali kosmik makonni tartibga solishga harakat qilmoqda.
“Zamin”ni Telegramʻda oʻqing!
