Google kompaniyasi Android operatsion tizimiga foydalanuvchilarni keraksiz vaqt sarflashdan saqlovchi yangi "Pause Point" funksiyasini qo‘shdi. Ushbu yangilik foydalanuvchilarga o‘zlari uchun chalg‘ituvchi deb belgilangan ilovalarni ochganda 10 soniyalik tanaffus qilishni majburiy qilib qo‘yadi. Bu haqda Techcrunch.com xabar beradi.
TikTok, Instagram, X va YouTube kabi ilovalar ko‘pincha vaqtni o‘g‘irlaydigan algoritmlar tufayli foydalanuvchilarni o‘z domiga tortib oladi. "Pause Point" aynan shu jarayonni to‘xtatib, foydalanuvchiga ilovani ochishdan oldin o‘z qarorini qayta ko‘rib chiqish imkonini beradi.
Google ushbu qadamni nafaqat foydalanuvchilarning ruhiy salomatligini o‘ylagani, balki ijtimoiy tarmoqlarning zararli ta’siri bo‘yicha kuchayib borayotgan xalqaro qonunchilik talablariga javob sifatida amalga oshirmoqda. Kompaniya vakillarining ta’kidlashicha, maqsad odamlarga raqamli dunyodan uzilish va ongliroq qarorlar qabul qilish uchun vositalar taqdim etishdir.
Yangi funksiya ishga tushganda foydalanuvchiga nafas olish mashqlarini bajarish yoki scrolling o‘rniga foydaliroq mashg‘ulotlar bilan shug‘ullanish taklif etiladi. Masalan, tizim kitob o‘qish, fitnes yoki audiokitoblar kabi muqobil ilovalarni tavsiya qilishi mumkin.
“Zamin”ni Telegramʻda oʻqing!
