Threads ijtimoiy tarmogʻi X platformasidagi Grok tizimiga oʻxshash yangi Meta AI integratsiyasini sinovdan oʻtkazishni boshladi. Endilikda ochiq akkauntga ega foydalanuvchilar post yoki izohlarda Meta AIʼni belgilab, maʼlum bir mavzu boʻyicha qoʻshimcha maʼlumot olishlari mumkin. Bu haqda Techcrunch.com xabar beradi.
Hozirgi vaqtda ushbu funksiya Malayziya, Saudiya Arabistoni, Meksika, Argentina va Singapurda beta-test rejimida ishlamoqda. Meta kompaniyasining taʼkidlashicha, yangilik foydalanuvchilarga trenddagi voqealar va yangiliklar boʻyicha real vaqt rejimida maʼlumot olish hamda tavsiyalar soʻrash imkonini beradi.
Foydalanuvchilar @meta.ai akkauntini belgilab, turli savollar berishlari mumkin va sunʼiy intellekt post yozilgan tilda javob qaytaradi. Bu orqali Threads shunchaki muloqot maydoni emas, balki axborot olish va tavsiyalar markaziga aylanishni maqsad qilgan.
Grok tizimidagi kabi bu funksiyaning ham xavfsizlik masalalari muhim ahamiyat kasb etadi. Meta kompaniyasi sunʼiy intellekt javoblarini cheklash yoki ularni yashirish imkoniyatini ham taqdim etgan. Kompaniya dastlabki fikr-mulohazalarni oʻrganib, funksiyani yanada takomillashtirishni rejalashtirmoqda.
“Zamin”ni Telegramʻda oʻqing!
