7900 mAs akkumulyator va 512 GB xotira: Yangi Honor smartfoni tayyor
Honor kompaniyasi sig'imi 7900 mAs bo'lgan ulkan akkumulyatorli va MRK-AN00 model raqamiga ega yangi smartfonni taqdim etishga tayyorlanmoqda. Og'irligi 216,5 gramm bo'lgan mazkur qurilma 1592 x 720 pikselli 6,87 dyuymli LCD-displey bilan jihozlangan. Texnik xususiyatlariga ko'ra, smartfon 2,3 GGs chastotali sakkiz yadroli protsessor, 6 dan 12 GB gacha tezkor xotira va 128 GB dan 512 GB gacha doimiy xotira bilan ta'minlanadi.
Honor kompaniyasi sigʻimi 7900 mAs boʻlgan ulkan akkumulyatorga ega yangi smartfonni taqdim etishga tayyorlanmoqda. MRK-AN00 model raqami ostidagi qurilma sertifikatsiyadan oʻtdi, bu esa uning tez orada bozorga chiqishidan dalolat beradi. Bu haqda Ixbt.com xabar beradi.
Yangi Honor qurilmasining ogʻirligi 216,5 gramm boʻlib, u 1592 x 720 pikselli 6,87 dyuymli LCD-displey bilan jihozlangan. Ekran parametrlari va oʻlchamlariga koʻra, ushbu smartfon hamyonbop modellar qatoridan joy olishi kutilmoqda.
Texnik xususiyatlariga koʻra, smartfon 2,3 GGs chastotali sakkiz yadroli protsessor, 6 dan 12 GB gacha tezkor xotira (OZU) va 128 GB dan 512 GB gacha doimiy xotira bilan taʼminlanadi. Qurilmaning asosiy kamerasi 50 Mp, old kamerasi esa 5 Mp ruxsatga ega.
Smartfon Android 16 bazasidagi MagicOS operatsion tizimida ishlaydi. Shuningdek, u 5G tarmoqlarini, VoLTE va VoNR kabi zamonaviy aloqa standartlarini toʻliq qoʻllab-quvvatlaydi.
Izohlar 0
…