3 479
Bakteriyalarga qarshi kurashuvchi va ovozli buyruqni tushunuvchi hojatxona qurilmasi ixtiro qilindi
Unitaz uchun Smart Toilet qopqog‘i bidega aylana oladi, o‘rindiqni isitadi, bakteriyalarga qarshi kurashadi, havoni tozalaydi va ovozli hamda masofaviy buyruqlarni tushunadi. GizChina nashrida ta’kidlanishicha, qurilma osongina aqlli uyning ekotizimiga integratsiyalashadi.
O‘z faoliyatini 2010 yilda boshlagan Xiaomi kompaniyasi bugunga kelib keng assortimentdagi tovarlarni ishlab chiqarmoqda – texnikadan tortib to aqlli qurilmalar va maishiy predmetlargacha. Kuni kecha kompaniya bir ruloni 200 rublga baholanuvchi bambuk tolali hojatxona qog‘ozini taqdim qildi.
Endi esa hojatxonada o‘tirishni yanada qulay qilish uchun ishlab chiqaruvchining noyob ixtirolariga 190 dollarli kengaytirilgan funksionalli Xiaomi Smart Toilet Cover AI Version aqlli qopqog‘ini qo‘shish mumkin.
Xitoy kompaniyasi gadjeti unitazni bidega aylantiruvchi tizim bilan ta’minlangan, u belgilangan parametrlarga ko‘ra unitaz ichidagi suvni isitish xususiyatiga ega. Shuningdek o‘rindiqning o‘zida ham isitish funksiyasi bor, u hojatxonadagi havoni tozalay oladi. Bundan tashqari, unitaz qopqog‘i ultrabinafsha nurlar yordamida o‘rindiqni dezinfeksiya qiladi va shu tariqa bakteriyalarni yo‘q qiladi.
Yangi ishlanma tugmali boshqaruv paneliga ega bo‘lib, unga oddiy shrift va Brayl shriftida yozuvlar tushirilgan. Unitaz qopqog‘iga Xiao Ai intellektual ovozli yordamchisi o‘rnatilgan. Qurilmaning o‘zini aqlli uy tizimiga integratsiya qilish va nafaqat ovoz bilan, balki masofadan ham boshqarish (masalan, suv yoki o‘rindiq haroratini, havo tozalash chastotasini sozlash) mumkin.
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Mariya Zaxarova ukrainaliklarni Amerika hindulariga o‘xshatdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Zoir Mirzayev “Telefonsiz maktab”ga 300 mln so‘m mukofot berdi
Ispaniya va Gretsiya Kiyevga Patriot tizimlarini yetkazib berishdan bosh tortdi
Ruslar Abrams tanklarining zaif tomonini topishdi
Uchar avtomobil yo‘lovchi bilan birinchi parvozini amalga oshirdi (video)
Global Janub kimniki?