Шавкат Мирзиёев Ўзбекистон халқини Наврўз байрами билан табриклади

1 дақиқа ўқиш3.3K
Шавкат Мирзиёев Ўзбекистон халқини Наврўз байрами билан табриклади
Тошкентдаги Humo Arena мажмуасида 21 март куни Наврўз байрами шодиёнаси бўлиб ўтди. Президент матбуот хизматининг хабар беришича, тантанали тадбирда Шавкат Мирзиёев ҳам иштирок этиб, Ўзбекистон халқини Наврўз байрами билан табриклаб, эзгу тилаклар билдирди.

«Ўтган йили пандемия туфайли Наврўз байрамини ҳар доимгидек катта тантана қилиб, кенг нишонлай олмаган эдик. Ўшанда бу ташвишли кунлар албатта ортда қолади, ҳали кўп тўй-томоша ва сайилларни халқимиз билан биргаликда ўтказамиз, деб эзгу ният қилган эдик. Бугун ана шу орзу ва интилишларимиз рўёбга чиқмоқда. Гўзал ва жонажон юртимизда яна шодиёналар, қувончли кунлар бошланмоқда», — деди Шавкат Мирзиёев.

Давлат раҳбари коронавирус ҳали тўла бартараф этилмаганини, унга қарши ҳаракатлар зое кетмаслиги учун пандемияга қарши курашишни бир лаҳза ҳам тўхтатмаслик, бепарволик ва беғамликка берилмаслик кераклигини таъкидлади.

«Наврўзнинг ўлмас руҳи ва боқий фалсафаси биз бугун бунёд этаётган янги Ўзбекистон ғояси билан уйғун ва ҳамоҳангдир. Халқимизнинг фидокорона меҳнати, қатъий сиёсий иродамиз билан кенг кўламли ислоҳотларимизни бундан кейин ҳам жадал давом эттирамиз. Қанчалик қийин бўлмасин, эл-юртимиз манфаатини, жондан азиз фарзандларимиз келажагини таъминлашга хизмат қиладиган тўғри йўлимиздан ҳеч қачон ортга қайтмаймиз», — деб таъкидлади Шавкат Мирзиёев.

Бу йилги Наврўз Ўзбекистон мустақиллигининг 30 йиллигида ўтмоқда. Президент Наврўз байрамини нишонлаётган барча халқларга, хорижий ҳамкорларга эзгу табрик ва саломларини йўллади.

Байрам тадбири катта концерт дастури билан якунланди.

Аввалроқ Шавкат Мирзиёев Нурсултон Назарбоевни Наврўз байрами билан табриклагани ҳақида хабар берилган эди. Шавкат Мирзиёев ва Қозоғистон президенти Қосим-Жўмарт Тўқаев ҳам Наврўз байрами билан бир-бирларини табриклаб, Қозоғистон ва Ўзбекистон халқларига фаровонлик тилаган эди. АҚШ президенти Жозеф Байден ҳам Ўзбекистон Президенти Шавкат Мирзиёевни Наврўз байрами билан табриклаб, мактуб йўллаганди.

Эслатиб ўтамиз, коронавирус пандемиясини инобатга олган ҳолда Ўзбекистонда Наврўз умумхалқ байрами тадбирлари карантин қоидаларига амал қилган ҳолда маҳаллаларда ташкил этилади.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?