Skoda компанияси ўзининг янги ихчам электромобили – Skoda Эпиқ моделини намойиш этди. Ушбу автомобил бренднинг ички ёнув двигателли Камиқ кроссоверига электр муқобил сифатида ишлаб чиқилган бўлиб, унинг бошланғич нархи 24 950 фунт стерлинг этиб белгиланди. Бу эса уни анъанавий Камиқ моделидан ҳам арзонроқ қилади. Бу ҳақда Autocar.co.uk хабар беради.
Янги модел Volkswagen гуруҳининг МEБ+ платформаси негизида қурилган. Дизайн жиҳатидан Skoda Эпиқ бренднинг янги "Модерн Солид" услубида ишланган бўлиб, Т-шаклидаги ёритиш чироқлари ва ўзига хос кузов чизиқлари билан ажралиб туради. Автомобилнинг юкхонаси 475 литр ҳажмни ташкил этади, шунингдек, капот остида қувватлаш кабели учун қўшимча 25 литрлик бўлинма мавжуд.
Техник жиҳатдан харидорларга икки хил версия таклиф этилади. Эпиқ 40 модели 133 от кучига эга двигател ва 37 кВ/соатлик аккумулятор билан жиҳозланган бўлиб, 190 мил масофани босиб ўта олади. Кучлироқ Эпиқ 55 версияси эса 208 от кучи ва 52 кВ/соатлик батарея эвазига 272 милгача масофани таъминлайди. Ҳар икки вариант ҳам 10-80 фоиз қувватни 25 дақиқадан камроқ вақт ичида тўлдириш имкониятига эга.
Skoda Эпиқ функционаллиги билан ҳам эътиборга лойиқ: у ташқи қурилмаларни қувватлаш ва электр тармоғига энергия қайтариш имконини беради. Шунингдек, "Б" режими орқали рекуператив тормозланиш кучайтирилиб, бир педалли бошқарув тизими жорий этилган. Автомобилнинг илк етказиб бериш жараёнлари келаси келаси йилнинг бошида бошланиши режалаштирилган.
“Zamin”ни Telegram'да ўқинг!
