16:04 / 28.09.2018
4 841

Японияда 90 фоизга пластмассадан қилинган автомобиль тақдим этилди

Японияда 90 фоизга пластмассадан қилинган автомобиль тақдим этилди
Дунёдаги 90 фоизга ҳар хил пластмасса турларидан йиғилган биринчи автомобиль Японияда тақдим этилди.

NHK телеканалининг хабар беришича, инновацион технологияларни яратиш бўйича ҳукумат дастури доирасида ишлаб чиқилган янги концепт-кар Токио университети олимлари ҳамда автомобиль ишлаб чиқарувчилари ўртасидаги ҳамкорлик натижасидир. Турли пластмасса турларидан фойдаланилгани сабабли, автомобиль оғирлиги одатдагидан кўра 40 фоизга енгилроқ. Енгиллик энергияни тежаш имконини беради ва электр мобилларни ривожлантириш учун янги истиқболларни очади.

Машинадаги энг асосий нарса шундаки, ҳозирги кунга қадар автомобиль саноатида пластмассалардан фойдаланиш, уларнинг мустаҳкам эмаслиги туфайли имконсиз, деб ҳисобланган. Олимлар бу муаммони турли хил пластмассалар бирикмаларидан фойдаланиб ечишга муваффақ бўлишди. Бу муҳим деталлари ва таркибий қисмлари 90%га пластмассадан иборат бўлган дунёдаги биринчи автомобилдир.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)