Британия молия ва соғлиқни сақлаш вазирлари истеъфо берди

^{Фото: Reuters}
Британия хазинаси канцлери Риши Сунак ва соғлиқни сақлаш вазири Сожид Жовид истеъфога чиқди.

Жовид «соғлиқни сақлаш ва ижтимоий таъминот соҳаларидаги мисли кўрилмаган миқёсдаги муаммолар» сабабли лавозимини тарк этаётганини маълум қилди, деб хабар берди Reuters.

Ўз навбатида, Сунак «жамоатчилик ҳукумат талаб қилинган тарзда сифатли ва жиддий ишлашини кутаётгани»ни билдирди.

«Бу менинг сўнгги вазирлик фаолиятим бўлиши мумкинлигини тушунаман, аммо бу стандартлар учун курашиш керак ва айнан шу боис истеъфога чиқяпман», — деди у.

Жовид вазирлик лавозимида бир йилга яқин фаолият кўрсатди – ундан аввалги соғлиқни сақлаш вазири Мэтт Ҳэнкок ўтган йили истеъфога чиққанди. «Замин» янгиликларини «Вконтакти»да кузатиб боринг