АҚШ собиқ давлат котиби Ҳенри Киссинжер Ғарб ва Киевни Москва билан бўлажак музокаралар чоғида кенг кўламли уруш бошланганидан кейин Россия томонидан босиб олинган ҳудудларни бермасликка чақирди. Бу ҳақда у 24 июль, якшанба куни ZDF телеканалига берган интервьюсида айтиб ўтди.
«Ҳозирги вазиятда демократик давлатлар етакчилари нима бўйича музокарага тайёр эканликларини ва нимадан ҳеч қандай шароитда воз кечишга тайёр эмасликларини аниқ тушунишлари керак», - деди Киссинжер. Унинг сўзларига кўра, музокаралар фақат агрессия қурбонлари – Украина раҳбарияти ва халқи билан «тўлиқ ҳамкорликда» давом этиши мумкин. У бу ёндашувни «вазиятни бошқариш учун ягона асос» деб атади.
«Украина ҳудудининг таслим бўлиши биз қабул қила оладиган шарт бўла олмайди», деб таъкидлади собиқ давлат котиби. «Гап шундаки, Россия уруш бошлангандан бери эгаллаб олган барча ҳудудларини қайтариши керак бўлади», дея маълум қилди у.
Май ойида Давосдаги Жаҳон иқтисодий форумида нутқ сўзлаган Киссинжер Украина ва Россия ўртасидаги музокаралардаги бўлиниш чизиғи «аввалги статус-квога қайтиш» бўлиши кераклигини айтди. Кўплаб оммавий ахборот воситалари ва сиёсатчилар бу сўзларни Киевни тинчликка эришиш учун ўз ҳудудларининг бир қисмидан воз кечишга чақириш сифатида талқин қилишди.
Украина президенти Володимир Зеленский бу таклифни баъзи Европа давлатларининг Иккинчи жаҳон уруши бошланишидан олдин Ҳитлерга ҳудудий ён бериш ҳақидаги чақириқлари билан қиёслади. «Жаноб Киссинжер, масалан, чуқур ўтмишдан чиқиб, Россияга Украинанинг бир бўлагини бериш кераклигини айтди. Гўёки Россиянинг Европадан бегоналашуви бўлмаслиги учун. Афтидан, жаноб Киссинжерда 2022 йилда эмас, балки 1938 йилда ўтиргандек», деди Зеленский.
Июль ойи бошида Киссинжер Time нашрига берган интервьюсида ўз сўзларига аниқлик киритиб, Украинани ўз ҳудудларидан воз кечишга чақирмаганини тушунтирди. «Агар сиз аслида айтганларимни ўқисангиз, мен ҳеч қачон бундай демаганман. Мен ўт очишни тўхтатиш учун энг яхши ажратувчи чизиқ статус-кво эканлигини айтдим. Яъни уруш бошланишидан олдин Украинада бўлган ҳудудлардан Россияга қарашли бўлган ҳудудларга қарши уруш олиб бормаслик керак», - деди Киссинжер.
«Ҳозир Россия урушдан олдинги Украина ҳудудининг 15 фоизини эгаллаб турибди. Оташкесим ўрнатилишидан олдин улар Украинага қайтарилиши керак. Баҳсли ҳудуд - Донбасснинг кичик бир бурчаги, тахминан 4,5 фоиз ва Қрим», - деди у. «Мен ҳудудни бериш керак, деб айтмадим. Шунчаки у ҳар қандай музокараларда алоҳида мақомга эга бўлиши кераклигини назарда тутдим. Мен Украина эркинлиги ва унинг Европадаги муҳим ролини сўзсиз қўллаб-қувватлайман», деб таъкидлади Киссинжер. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
Омега-3 қандай қилиб озишга ёрдам беради?
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
Энди операциядан сўнг кесмалар ўрни икки баробар тезроқ битиши мумкин
Apple донгдор икки айфонини расман эскирган деб эълон қилди
Хатолар ва мағлубиятлар... улар кечириладими?
Жо Байден: “Баъзан хотиним мени космосга жўнатиш билан таҳдид қилади”
Россиялик депутат: «Олий маълумотлиларнинг курерлик қилиши — ватанпарварликка зид»
