Украинадаги уруш: Россияликларнинг Қримдаги авиабазасида портлашлар рўй берди

1 дақиқа ўқиш1.9K
Украинадаги уруш: Россияликларнинг Қримдаги авиабазасида портлашлар рўй берди
Фото: ТАСС
9 август куни тушдан кейин Қримнинг Саки районидаги Новофедоровка курорт посёлкасида давомли портлашлар кузатилди. Маҳаллий аҳоли вакиллари Reuters мухбирига россияликларнинг ҳарбий авиабазаси томонда қуюқ тутун кўтарилгани ҳақида хабар беришди.

Россия мудофаа вазирлиги соат 15:20 атрофида Новофедоровка ҳудудидаги «Саки» аэродромида авиация ўқ-дорилари сақланган майдонда детонация (портлашлар) бўлгани ҳақида маълум қилган. Мудофаа вазирлиги портлашлар оқибатида ҳеч ким жабрланмагани, аэродромдаги авиация техникаларига шикаст етмаганини таъкидлаган.
Украинадаги уруш: Россияликларнинг Қримдаги авиабазасида портлашлар рўй берди
«Юзага келган ёнғинни ўчириш ва портлаш сабабларини аниқлаш чоралари кўрилмоқда. Воқеа жойидан берилган ҳисоботга кўра, аэродромдаги ўқ-дорилар сақланадиган майдонга ҳеч қандай зарба келиб тушмаган», дейилади Россия мудофаа вазирлиги хабарида.

Россия нашрлари Новофедоровкада бир неча портлашлар рўй бергани ҳақида ёзмоқда. Гувоҳлар Mash мухбирига ҳар дақиқада «снарядлар детонациясини эслатувчи овозлар» эшитилиб турганини айтган. «Коммерсант» газетаси Новофедоровка маъмуриятидаги манбага асосланиб Қримдаги Саки ҳарбий аэродромига ва ўқ-дорилар омборига ҳужум қилингани тўғрисида хабар берган. Газета дастлабки маълумотларга кўра учиш-қўниш полосасидаги ўқ-дорилар омборида ёнғин бошланганини хабар қилган. RT телеканали бош муҳаррири Маргарита Симоньян эса манбага ҳавола бермаган ҳолда «воқеа жойидагилар, бу ракета зарбаси эмас, балки диверсия ҳаракати оқибати деб ўйлаётгани» ҳақида ёзган.
Украинадаги уруш: Россияликларнинг Қримдаги авиабазасида портлашлар рўй берди
Қримнинг Саки районида эвакуация эълон қилинган. Расмийлар Новофедоровка атрофида беш километр масофада хавфсизлик зонаси ташкил этиб, атрофни ўраб олган.

Қрим раҳбари Сергей Аксеновнинг сўзларига кўра, атроф маҳаллий аҳоли жабрланишининг олдини олиш мақсадида ўраб олинган, йўл ҳаракати полицияси бригадалари ва пиёда патруллар ишламоқда.

ТАСС Новофедоровкадаги портлаш оқибатида беш киши жароҳат олганини, улардан бири 13 ёшли бола эканини маълум қилди. Қрим фавқулодда вазиятлар бошқармаси маълумотига кўра, ярадорлардан бири жарроҳлик амалиётига юборилган.

Сергей Аксенов Новофедоровкадаги портлашлар оқибатида бир киши ҳалок бўлганини айтди. У бутун район бўйлаб эвакуация ишлари амалга оширилмаётгани, фақат ҳарбий аэродромга жуда яқин жойлашган уйлар аҳолиси кўчирилаётганини таъкидлаган.

Украина томони ҳозирча бу борада расмий изоҳ бермади.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?