23:00 / 10.09.2022

Урушнинг 198-кунида Украинанинг турли ҳудудларида олинган суратлар

Бу ҳафта Украина қуролли кучлари Харкив областида муваффақиятли қарши ҳужум бошлади ва 7 сентябрга келиб нисбатан йирик шаҳар Балаклияни озод қилди. 9 сентябрь куни Украина президенти Володимир Зеленский мамлакат қуролли кучлари томонидан Харкив областида 30 дан ортиқ аҳоли пунктлари озод қилинганини маълум қилди.

Улардан бири – Чугуев районининг Гракове қишлоғи. У ерда Украина полициясининг терговчилари иш бошлашган, улар Россия қуролли кучлари оккупация даврида содир этилган эҳтимолли ҳарбий жиноятларни ҳужжатлаштириш билан банд.

Граковеда аллақачон турар жой ҳовлисига кўмилган (тинч аҳоли вакиллари дея техмин қилинаётган) икки жасад топилган. Украина ҳокимияти ҳозирча жасадлар борасида шарҳ билдирмаган.

Қуйида 9 сентябр, урушнинг 198-кунида Украинанинг турли ҳудудларида олинган суратлар.

^{Украина қуролли кучлари Харкив областининг яқинда озод этилган туманида патруллик қилмоқда. Фото: Metin Aktaş / Anadolu Agency}

^{Харкив области осмонига учирилган ракеталардан қолган инверсион из. Фото: Metin Aktaş / Anadolu Agency}

^{Россия Украинага бостириб кирганидан буён оккупация остида бўлган Харкив области Чугуев райони Гракове қишлоғи йўлидаги фуқароларга тегишли бўлган ва йўқ қилинган автомобиллари. 7 сентябр куни Украина ҚК Граковени озод қилган. Фото: Metin Aktaş / Anadolu Agency}

^{Гракове йўлидаги автомобиллар. Фото: Metin Aktaş / Anadolu Agency}

^{Гракове йўлидаги бомба тушган АЁҚШ. Фото: Metin Aktaş / Anadolu Agency}

^{Граковедаги отишмалар чоғида зарар етган черков ва йўқ қилинган рус техникаси. Фото: Metin Aktaş / Anadolu Agency}

^{Гракове турғуни ўз уйи кираверишида. Кўп қаватли уй фасадида ўқ излари. Фото: Metin Aktaş / Anadolu Agency}

^{Гракове турғуни отишмалардан зарар кўрган ўзи ичида. Фото: Metin Aktaş / Anadolu Agency}

^{Граковедаги отишмалардан зарарланган уйлар жойлашган кўча. Фото: Metin Aktaş / Anadolu Agency}

^{Украиналик терговчилар Граковеда. Улар ҳарбий жиноятлар изларини излашмоқда ва ҳовлилардаги қабрларга кўмилган жасадларни эксгумация қилишмоқда. Фото: Juan Barreto / AFP}

^{Украиналик терговчилар Граковеда оккупация даврида ўлдирилган бўлиши мумкин дейилаётган ҳовлига кўмилган жасадларни эксгумация қилишмоқда. Фото: Vasily Zhlobsky / EPA}