17:54 / 12.09.2022

Украинадаги урушнинг 200-куни: Харкивда қолган рус техникалари, озод этилган Изюмдан илк кадрлар (фото)

11 сентябр куни Украина қуролли кучларининг Харкив областидаги қарши ҳужумларига жавобан Россия Украина шаҳарларидаги фуқаролик инфратузилма объектлари бўйлаб ракета зарбалари йўллади — биринчи навбатда Харкивдаги ИЭС-5 зарба остида қолди.

Натижада бешта област: Харкив, Суми, Полтава, Днепропетровск ва Донецк областлари тўлиқ ёки қисман электр таъминотисиз қолди. Бу вақтда истило остидаги Запорижжя АЭС сўнгги энергоблокдан узилди. Украинанинг озод этилган шаҳарларида Россиянинг ўнлаб зирҳли техникалари қолган — уларнинг бир қисми шикастланган, қолганлари чекиниш вақтида ташлаб кетилган ва фойдаланиш учун яроқли ҳисобланади.

Қуйида 11 сентябр, урушнинг 200-кунида Украинанинг турли ҳудудларида олинган суратлар.

Куннинг асосий воқеаси. Украина бўйлаб инфратузилма объектларига ҳужум

^{Украиналик ўт ўчирувчилар Харкив ИЭС-5 ҳудудида ишламоқда. 12 сентябрга ўтар кечаси электр станцияга Россия томонидан ракета зарбаси берилди. Натижада Харкив ва Донецк областлари электр энергияси таъминотисиз қолди.
Kostiantyn Liberov / AP / Scanpix / LETA}

^{Харкив ИЭС-5 ҳудудида россияликлар ракета зарбасидан кейин чиққан ёнғин.
Kostiantyn Liberov / AP / Scanpix / LETA}

^{Ракета зарбаларидан кейин Харкив зулмат ичида қолди.
Leo Correa / AP / Scanpix / LETA}
Балаклия атрофидаги жанглар оқибатлари

^{Россия армияси Балаклиядан чекиниш чоғида ташлаб кетган зирҳли техникалар. Шаҳар 8 сентябр куни украин қўшинларининг Харкив областидаги кенг кўламли ҳужуми давомида озод этилди.
Украина қуролли кучлари қўмондонлиги матбуот хизмати / Reutets / Scanpix / LETA}

^{Украиналик аскар Балаклияга борувчи йўлда яксон этилган россияликлар танкидан қолган темир уюми олдида.
AP / Scanpix / LETA}

^{Озод этилган Балаклияга элтувчи кўприк шаҳар учун жанглар вақтида портлатилган.
Metin Aktas / Anadolu Agency / ABACAPRESS / ddp images / Vida Press}
Украина қўшини эгаллаган Изюмдан илк кадрлар

^{Россиялик ҳарбийлар 10 сентябрга ўтар кечаси ташлаб чиққан Изюм шаҳри фонида суратга тушган велосипедчи, 12 сентябга ўтар кечаси шаҳар украин қўшинлари томонидан эгалланди.
Juan Barreto / AFP / Scanpix / LETA}

^{Украина армиясининг Харкив областида қарши ҳужумга ўтгач, Изюмдаги россияликлар шаҳарга келувчи йўллардаги кўприкларни портлатган.
Juan Barreto / AFP / Scanpix / LETA}

^{Изюмлик эр-хотин шаҳар Россия истилосидан озод этилганидан кейинги куни.
Juan Barreto / AFP / Scanpix / LETA}

^{Изюмликлар вайрон бўлган бинолар фонида.
Juan Barreto / AFP / Scanpix / LETA}
Фронтнинг икки томонидаги қочқинлар

^{Озод этилган Балаклия аҳолисига гуманитар ёрдам тарқатилмоқда.
Metin Aktas / Anadolu Agency / ABACAPRESS / ddp images / Vida Press}

^{Украинлар Харкив областининг озод этаётган ҳудудларидан чиққан қочқинлар Россиянинг Украина билан чегарадаги Белгород области Логачевка қишлоғидаги вақтинча жойлаштириш пунктида. Фото: Антон Вергун / ТАСС}
Донецк области, Днепр ва Миколайив ўққа тутилиши оқибатлари

^{Донецк области Покровск шаҳрида россияликлар 12 сентябрга ўтар кечаси йўллаган зарбалар оқибатида ҳалок бўлган киши жасадини олиб кетаётган полициячилар. Украина нашрларига кўра, Покровскда олти киши қурбон бўлган.
Leo Correa / AP / Scanpix / LETA}

^{Покровскда яшовчи Олексий Максименко россияликлар зарбасидан шикастланган уйида. 75 ёшли кончи қулоғи яхши эшитмай қолгач пенсияга чиққан, шу туфайли портлашлар овозини эшитмаган ва уйқудан осколкалар орасида уйғонган.
Leo Correa / AP / Scanpix / LETA}

^{Олексий Максименко ва рафиқаси Мария Трутьконинг Покровскдаги уйи ошхонаси россияликлар ҳужумидан кейин.
Leo Correa / AP / Scanpix / LETA}

^{11 сентябрга ўтар кечаси Россия ракетаси келиб тушган Днепрдаги бозор кўриниши.
Mykola Synelnykov / Reuters / Scanpix / LETA}

^{Россияликларнинг 11 сентябрга ўтар кечаси Днепр бўйлаб берган зарбалари оқибатлари. Област маъмурияти раҳбари Валентин Резниченко зарбалар аҳоли турар жойлари ҳудудига келиб тушганини айтган. Бир киши яраланган.
Валентина Резниченко / Telegram}

^{Россияликлар Днепрдаги турар жой кварталларига йўллаган ракета зарбалари оқибатлари.
Валентина Резниченко / Telegram}

^{Днепрда россияликлар ракета зарбаси келиб тушган уйдаги дераза кўриниши.
Mykola Synelnykov / Reuters / Scanpix / LETA}

^{Болалар боғчаси тарбиячиси, 49 ёшли Тамара Мовчан Россиянинг Миколайивга йўллаган ракета зарбаларидан шикастланган квартирасида. РФ армияси шаҳарни 12 сентябрга ўтар кечаси ўққа тутган, уч киши яраланган.
Umit Bektas / Reuters / Scanpix / LETA}

^{Россия томонидан тунда йўлланган ракета зарбаларидан кейин ўз квартирасини йиғиштираётган миколайивлик.
Umit Bektas / Reuters / Scanpix / LETA}

^{Россияликларнинг Миколайивдаги аҳоли яшаш жойларига йўллаган зарбаси оқибатлари.
Umit Bektas / Reuters / Scanpix / LETA}
Энергодарнинг истило остидаги маъмурияти

^{Запорижжя областидаги россияликлар томонидан истило қилинган Энергодар маъмурияти биноси, бу шаҳарда Запорижжя АЭС жойлашган. 11 сентябр куни соат 3:41 да, Украина «Энергоатом»и хабар қилишича, станция Украина электр тармоғидан тўлиқ узилган.
Anadolu Agency / ABACAPRESS / ddp images / Vida Press}

Россия ва Украина уруши